School માં શરજનક હરકત, 50 વિદ્યાર્થીનીઓ અશ્લીલ ફોટા બનાવીને Snapchat પર કર્યા વાયરલ

Chandigarh School: ચંદીગઢની એક જાણીતી શાળાની 50થી વધુ વિદ્યાર્થીનીઓની વાંધાજનક તસવીરોનો મામલો વાયરલ થયો છે. જણાવવામાં આવી રહ્યું છે કે સ્નેપચેટ (Snapchat) ની વોલ પર વિદ્યાર્થીનીઓની તસવીરો અપલોડ કરવામાં આવી છે અને તેને સ્કૂલની વેબસાઈટ પરથી જ ડાઉનલોડ કરવામાં આવી છે. એવું પણ કહેવામાં આવી રહ્યું છે કે આ તસવીરો આર્ટિફિશિયલ ઈન્ટેલિજન્સ (AI)નો ઉપયોગ કરીને એડિટ કરવામાં આવી છે. આ સમાચારની જાણ થતાં જ શાળાની વિદ્યાર્થિનીઓ અને તેમના વાલીઓ ખૂબ જ ચિંતિત બની ગયા હતા.

તેમણે આ બાબતે એસ. એસ.પી. ચંડીગઢમાં ફરિયાદ કરવામાં આવી છે. કહેવામાં આવી રહ્યું છે કે પોલીસે આ મામલે અજાણ્યા વ્યક્તિ વિરુદ્ધ કેસ દાખલ કર્યો છે. આ મામલો 10મી ઓક્ટોબરનો હોવાનું પણ બહાર આવ્યું છે. જ્યારે એક વિદ્યાર્થીના પિતા વેકેશન દરમિયાન તેને લેવા ગયા હતા. છોકરી ગુસ્સે થઈ ગઈ અને રડવા લાગી. જ્યારે પિતાએ પૂછ્યું તો તેણે જણાવ્યું કે સિનિયર્સ માટે એક સ્નેપચેટ (Snapchat) પોર્ટલ છે. તેના સિવાય અન્ય ઘણી યુવતીઓની વાંધાજનક તસવીરો પણ તે પોર્ટલ પર શેર કરવામાં આવી છે. આ મામલો સામે આવતા જ ચંદીગઢ પોલીસના સાયબર સેલે આ સ્નેપચેટ (Snapchat) આઈડી રજીસ્ટર કરી છે. ઇન્ટરનેટ પરથી દૂર કરવામાં આવી છે.

સ્કૂલે આ મામલે મૌન સાધ્યું છે. વાલીઓનો આરોપ છે કે આ મામલે સ્કૂલ દ્વારા કોઇ સંતોષજનક જવાબ આપવામાં આવતો નથી. વાલીઓનો આરોપ છે કે જે સ્કૂલ પોર્ટલ પરથી ફોટા ડાઉનલોડ કરી છે, તે પોર્ટલ પર વાલીઓ, વિદ્યાર્થીઓ અને સ્કૂલ સ્ટાફ જોડાયેલો છે અને આ મમલે જલદીમાં જલદી કાર્યવાહી થવી જોઇએ. હાલમાં એસ.એસ.પી ચંદીગઢે કેસમાં તપાસ કરીને કડકમાં કડક કાર્યવાહી કરવાનો વિશ્વાસ અપાવ્યો છે.