દિલ્હીમાં નવેમ્બરમાં Odd Even Scheme, કેન્દ્રીય મંત્રી ગડકરીએ કહ્યું- `લાગુ કરવાની જરૂર નહતી`

નવી દિલ્હી: દિલ્હીમાં વધતા પ્રદૂષણના સ્તરને રોકવા માટે કેજરીવાલ સરકારે મોટું પગલું ભરતા ઓડ ઈવન સ્કિમ ફરીથી લાગુ કરવાનો નિર્ણય લીધો છે. જે મુજબ રાષ્ટ્રીય રાજધાની દિલ્હીમાં ફરીથી 12 દિવસ માટે ઓડ ઈવન સ્કીમ  લાગુ કરવામાં આવનાર છે. દિલ્હીમાં આ વ્યવસ્થા 4થી નવેમ્બરથી 15મી નવેમ્બર સુધી રહેશે. એટલે કે દિવાળી બાદ વ્યવસ્થા શરૂ કરાશે. જો કે કેજરીવાલ સરકારના આ નિર્ણયને રોડ અને પરિવહન મંત્રી નીતિન ગડકરીએ બિનજરૂરી ગણાવ્યો છે. તેમણે કહ્યું કે દિલ્હીમાં ઓડ ઈવન લાગુ કરવાની કોઈ જરૂર નથી. 

નીતિન ગડકરીએ એમ પણ કહ્યું કે હાલ ઓડ ઈવનની જરૂર નહતી. દિલ્હી સરકારનો નિર્ણય છે અને તે જ જાણે. નવા રિંગ રોડથી તો આમ પણ પ્રદૂષણ ઓછું જ થવાનું છે. દિલ્હીમાં આગામી બે વર્ષમાં પ્રદૂષણ ઓછું થઈ જશે.