PM મોદીના ભત્રીજીનું પર્સ છીનવીને ફરાર થયેલા બદમાશને પોલીસે દબોચ્યો

નવી દિલ્હી: વડાપ્રધાન નરેન્દ્ર મોદીના ભત્રીજી દમયંતીબેન મોદીનું પર્સ છીનવીને ભાગનારા બદમાશોમાંથી એક વ્યક્તિની પોલીસે ધરપકડ કરી લીધી છે. ધરપકડ કરાયેલા વ્યક્તિનું નામ નોનુ છે. પોલીસને નોનુ પાસેથી દમયંતીબેનનું પર્સ, મોબાઈલ વગેરે મળી આવ્યાં છે. અત્રે જણાવવાનું કે શનિવારે ગુજરાતી સમાજ ભવનના ગેટ પર દમયંતીબેનને કેટલાક બદમાશોએ લૂંટી લીધા હતાં.દમયંતીબેન મોદી સાથે દિલ્હીના સિવિલ લાઇન્સ વિસ્તારમાં આ ઘટના બની હતી. અમૃતસરથી દિલ્હી આવ્યા બાદ ગુજરાતી સમાજ ભવન (Gujarati Bhavan) બહાર રીક્ષાથી ઉતરતા જતા હતા ત્યારે તેમનું પર્સ ચોરીને ફરાર થયો હતો.