Oxygen Crisis પર Supreme Court ની લાલ આંખ, વાસ્તવિક સ્થિતિ જાણવા કરાઈ ટાસ્ક ફોર્સની રચના

નવી દિલ્લીઃ કોરોનાની બીજી લહેર ભારત માટે ખુબ જ ઘાતક બની રહી છે. એવામાં ઓક્સિજનની અછત મુદ્દે સુપ્રીમ કોર્ટે સખ્ત વલણ અપનાવ્યું છે. આ મામલાની તપાસ કરવા માટે સુપ્રીમ કોર્ટે સ્પેશિયલ ટાસ્ક ફોર્સની રચના કરવાનો આદેશ આપ્યો છે. આ અગાઉ સુપ્રીમ કોર્ટે દિલ્લીને ઓક્સિજન સપ્લાય મુદ્દે કેન્દ્ર સરકારને ફટકાર લગાવી હતી. અને કહ્યું હતુંકે, સરકાર સુપ્રીમ કોર્ટને કડક નિર્ણય લેવા માટે મજબૂર ન કરે. સુપ્રીમ કોર્ટે બનાવેલી નેશનલ ટાસ્ક ફોર્સ ઓક્સિજન સપ્લાય સતત પર નજર રાખશે. સાથો-સાથ તે દેશમાં દવાઓ અને ઓક્સિજન સપ્લાયનું મિકેનિઝમ તૈયાર કરશે.