Cryptocurrency: ક્રિપ્ટોકરન્સીને રેગુલેટ કરો, બેન નહીં, સંસદીય સમિતિની બેઠકમાં આ મુદ્દે થઈ ચર્ચા

નવી દિલ્હીઃ દેશ અને દુનિયામાં ક્રિપ્ટોકરન્સી ખુબ લોકપ્રિય થઈ રહી છે. ભારતીય નાગરિકો તરફથી પણ આ ડિજિટલ એસેટમાં રોકાણ વધી રહ્યું છે. તેવામાં સરકાર તરફથી ક્રિપ્ટોકરન્સીને લઈને ચર્ચાઓ ચાલી રહી છે. તેનું કારણ છે કે દેશમાં તેને લઈને ન તો વિશિષ્ટ નિયમ છે અને ના ક્રિપ્ટો કરન્સીના ઉપયોગ પર પૂર્ણ પ્રતિબંધ છે. સરકાર ક્રિપ્ટો ટ્રેડ પર જલદી કોઈ નિર્ણય પર પહોંચવાના પ્રયાસમાં છે. આ દિશામાં ભાજપ નેતા જયંત સિન્હા (Jayant Sinha) ની અધ્યક્ષતાવાળી એક સંસદીય સમિતિએ સોમવારે વિભિન્ન હિતધારકો સાથે ક્રિપ્ટો ફાઇનાન્સ અને ક્રિપ્ટોકરન્સી (Cryptocurrency) ના સારા-ખરાબ પરિણામો વિશે ચર્ચા કરી છે. 

ઘણા સભ્ય ક્રિપ્ટો કરન્સી પર સંપૂર્ણ પ્રતિબંધ લગાવવાની જગ્યાએ તેના બજારને રેગુલેટ કરવાના પક્ષમાં છે. સૂત્રોના હવાલાથી આ જાણકારી સામે આવી છે. આ બેઠક ક્રિપ્ટો કરન્સી વિશે વિભિન્ન વર્ગોમાં વધતી ચિંતાઓ અને તેના વ્યાપારથી ઉભા થયેલા સંભવિત જોખમની પૃષ્ટભૂમિને ધ્યાને લઈ યોજાઈ છે, ખાસ કરીને જ્યારથી દુનિયાભરમાં આવી સંપત્તિઓમાં રુચિ વધી છે. 

આ પણ વાંચોઃ પાકિસ્તાનથી છુટ્યા 20 ભારતીય માછીમારો, ચાર વર્ષથી કરાચી જેલમાં હતા બંધ

બેઠકમાં કોણ-કોણ થયું સામેલ
ક્રિપ્ટો એક્સચેન્જોના પ્રતિનિધિઓ, બ્લોક ચેઈન અને ક્રિપ્ટો એસેટ કાઉન્સિલ (BACC), ઉદ્યોગ સંસ્થાઓ તેમજ શિક્ષણવિદો અને અન્ય હિતધારકોએ સમિતિ સમક્ષ તેમના મંતવ્યો રજૂ કર્યા. સમિતિની બેઠકના થોડા દિવસો પહેલા વડાપ્રધાન નરેન્દ્ર મોદીએ વિવિધ મંત્રાલયો અને રિઝર્વ બેંકના વરિષ્ઠ અધિકારીઓ સાથે ક્રિપ્ટોકરન્સીના મુદ્દા પર ચર્ચા કરી હતી. સંસદની નાણા પરની સ્થાયી સમિતિ દ્વારા આ વિષય પરની આ પ્રથમ બેઠક છે. આ સમિતિના અધ્યક્ષ સિંહા છે, જેઓ ભૂતપૂર્વ નાણા રાજ્ય મંત્રી પણ રહી ચૂક્યા છે. તાજેતરના સમયમાં ક્રિપ્ટો ફાઇનાન્સની રોકાણની સંભાવના અને જોખમો અંગે વિવિધ પક્ષો તરફથી રસ અને ચિંતાઓ ઝડપથી વધી છે.

પ્રતિબંધ લગાવવામાં મોટા પડકારો
સૂત્રોએ જણાવ્યું હતું કે વ્યાપક રીતે, સમિતિના સભ્યો ક્રિપ્ટો કરન્સી એક્સચેન્જ માટે નિયમન ઈચ્છે છે અને ક્રિપ્ટો કરન્સી પર પ્રતિબંધ મૂકવાની તરફેણમાં નથી. સમિતિના કેટલાક કોંગ્રેસી સાંસદોએ ધ્યાન દોર્યું કે ક્રિપ્ટોકરન્સી પર પ્રતિબંધ લગાવવામાં ઘણા મોટા પડકારો છે. અગાઉ, સમિતિના અધ્યક્ષ અને ભૂતપૂર્વ નાણા રાજ્ય પ્રધાન, સિંહાએ બેઠક વિશે જણાવ્યું હતું કે ઝડપથી વિકસી રહેલા ઉદ્યોગને કારણે ક્રિપ્ટો ફાઇનાન્સ સંબંધિત તકો અને પડકારો અંગે નિયમનકારો અને નીતિ નિર્માતાઓ દ્વારા ચર્ચા કરવામાં આવશે.

આ પણ વાંચોઃ Srinagar Encounter: શ્રીનગરના હૈદરપુરામાં સુરક્ષાદળોને મળી મોટી સફળતા, એનકાઉન્ટરમાં એક આતંકી ઢેર

ઈન્ડિયા ઈન્ટરનેટ એન્ડ મોબાઈલ એસોસિએશન ઓફ ઈન્ડિયાના પ્રતિનિધિઓને પણ બોલાવવામાં આવ્યા
સિન્હાએ કહ્યું, “અમે મુખ્ય એક્સચેન્જોના ઓપરેટરો, ભારતીય ઉદ્યોગ સંઘ (CII)ના સભ્યો તેમજ ઇન્ડિયન ઇન્સ્ટિટ્યૂટ ઑફ મેનેજમેન્ટ (IIM)-અમદાવાદના શિક્ષણવિદો સહિત સમગ્ર ઉદ્યોગના હિતધારકોને આમંત્રિત કર્યા છે, જેમણે ખૂબ જ આંતરિક રીતે સંચાલન કર્યું હતું. ક્રિપ્ટો ફાઇનાન્સ પર ઊંડાણપૂર્વકનો અભ્યાસ. તેમણે વધુમાં કહ્યું કે સમિતિએ ઈન્ડિયા ઈન્ટરનેટ એન્ડ મોબાઈલ એસોસિએશન ઓફ ઈન્ડિયાના પ્રતિનિધિઓને પણ બોલાવ્યા છે.