Patra Chawl Case: શિવસેના નેતા સંજય રાઉતને ન મળી રાહત, 22 ઓગસ્ટ સુધી જ્યુડિશિયલ કસ્ટડીમાં

મુંબઈ: શિવસેનાના રાજ્યસભા સાંસદ સંજય રાઉતને 22 ઓગસ્ટ સુધી જ્યુડિશિલ કસ્ટડીમાં મોકલી દેવાયા છે. જો કે કોર્ટે થોડું નરમ વલણ દાખવતા તેમને જ્યુડિશિયલ કસ્ટડીમાં પણ દવાઓ અને ઘરના ભોજન માટે મંજૂરી આપી છે. સંજય રાઉતના વકીલે કોર્ટમાં દસ્તાવેજો રજૂ કર્યા હતા. જેમાં સાંસદના સ્વાસ્થ્ય સંબંધિત દસ્તાવેજ પણ હતા. જેના આધાર પર શિવસેના નેતાને ઘરના ભોજન અને દવાની મંજૂરી આપવામાં આવી છે. 

કોર્ટે આર્થર રોડ જેલના સુપ્રીટેન્ડેન્ટને સંજય રાઉતના સ્વાસ્થ્ય અંગે જાણકારી આપવાનું કહ્યું છે જેથી કરીને તેમના માટે વ્યવસ્થા થઈ શકે. કોર્ટના આગામી આદેશસુધી સંજય રાઉતને ઘરનું ભોજન અને દવાઓ આપવામાં આવશે.