કોરોના પર પીએમ મોદીની હાઈ લેવલ મીટિંગ, ઓમિક્રોન પર કહ્યું- આપણે રહેવું જોઇએ સતર્ક

નવી દિલ્હી: પ્રધાનમંત્રી નરેન્દ્ર મોદીએ ગુરુવારે અધિકારીઓ સાથે ઉચ્ચ સ્તરીય બેઠક યોજી દેશની પરિસ્થિતિ અને નવા વેરિયન્ટ Omicron માટેની તૈયારીઓની સમીક્ષા કરી હતી. આ મીટિંગમાં પીએમ મોદીએ નવા વેરિયન્ટને જોઈને સાવધાન રહેવાનું કહ્યું છે. પીએમ મોદીએ કહ્યું કે સરકાર સતર્ક છે, રોગના નિવારણ અને મેનેજમેન્ટ માટે કેન્દ્ર સરકાર રાજ્યોને સંપૂર્ણ સહયોગ આપી રહી છે.

PM એ અધિકારીઓને કહ્યું કે તાત્કાલિક અને અસરકારક સંપર્ક ટ્રેસિંગ, ઝડપી ટેસ્ટિંગ, ઝડપી વેક્સીનેશ બનાવવા માટે આરોગ્ય માળખાને મજબૂત કરવા પર ધ્યાન કેન્દ્રિત કરવું જોઈએ. આ બેઠક અંગે પ્રધાનમંત્રી કાર્યાલય તરફથી મળેલી માહિતીમાં કહેવામાં આવ્યું છે કે, કેન્દ્ર સરકાર ઓછા વેક્સીનેશ, કોવિડના વધતા કેસ અને અપૂરતી સ્વાસ્થ્ય સુવિધાઓવાળા રાજ્યોમાં તેમની મદદ માટે ટીમો મોકલશે.

પીએમ મોદીએ બેઠકમાં અધિકારીઓને કહ્યું કે રાજ્યોએ એ સુનિશ્ચિત કરવાની જરૂર છે કે પાત્ર વસ્તી સંપૂર્ણ રીતે રસીકરણ કરે. પીએમે કહ્યું કે મહામારી સામેની લડાઈ પૂરી થઈ નથી, કોવિડ સુરક્ષા વ્યવહારનું પાલન કરવું જોઈએ. આ સિવાય પીએમ મોદીએ અધિકારીઓને ઓક્સિજનને લઈને પણ સૂચનાઓ આપી છે. પીએમ મોદીએ કહ્યું કે રાજ્યો માટે એ સુનિશ્ચિત કરવું મહત્વપૂર્ણ છે કે ઓક્સિજન પુરવઠાના સાધનો ઇન્સ્ટોલ કરો અને સંપૂર્ણ રીતે કાર્યરત છે.

ત્યારે એક સત્તાવાર નિવેદનમાં કહેવામાં આવ્યું છે કે દેશની 88 ટકાથી વધુ વસ્તીને કોવિડ રસીનો પ્રથમ ડોઝ આપવામાં આવ્યો છે અને 60 ટકાથી વધુ વસ્તીને બીજો ડોઝ આપવામાં આવ્યો છે. પીએમ મોદી સાથેની આ બેઠકમાં સ્વાસ્થ્ય મંત્રાલયના અધિકારીઓ સહિત મંત્રાલયના અધિકારીઓએ પણ હાજરી આપી હતી.