PM મોદીને મળવા સંસદમાં પહોંચ્યો તેમનો `ખાસ મિત્ર`, ઈન્સ્ટાગ્રામ પર શેર કર્યા ફોટોઝ....

નવી દિલ્હીઃ વડાપ્રધાન નરેન્દ્ર મોદી પણ નાના બાળકો જ્યારે પણ મળી જાય ત્યારે તેમના પર વ્હાલ વરસાવાનું ચુકતા નથી અને અગાઉ તેમની આવી અનેક તસવીરો જોવા મળી છે. નાનકડા ભુલકાને જોતાં જ વડાપ્રધાન મોદીનો ચહેરો ખીલી ઉઠતો હોય છે. પીએમ મોદીના સોશિયલ એકાઉન્ટ પર અનેક વખત આપણે એવી તસવીરો જોઈ છે જેમાં તેઓ કોઈ બાળકના ગાલ પર હાથ ફેરવતા હોય છે તો પછી કોઈના કાન પકડીને ખેંચતા હોય છે. આવો એક ફોટો ફરી સોશિયલ મીડિયા પર વાયરલ થયો છે. 

વડાપ્રધાન નરેન્દ્ર મોદીએ તેમના ઈન્સ્ટાગ્રામ પર બે ફોટો શેર કર્યા છે, જેમાં તેઓ એક નાનકાડ ભુલકાંને લાડ લડાવી રહ્યા છે. આ બાળક પણ તેમની સાથે મસ્તીના મૂડમાં હોય એવું સ્પષ્ટ દેખાઈ રહ્યું છે.