કાસગંજમાં ગર્જ્યા પીએમ મોદી, મોડું થતાં માગી માફી, પહેલાં તબકક્કાના ટ્રેન્ડ પર બોલ્યા

લખનઉ: યુપીમાં યોજાઈ રહેલી વિધાનસભા ચૂંટણીના બીજા તબક્કામાં તમામ પક્ષોનો પ્રચાર પૂરજોશમાં ચાલી રહ્યો છે. PM નરેન્દ્ર મોદી કાસગંજમાં જનસભાને સંબોધિત કરી રહ્યા છે.

વડાપ્રધાને કહ્યું, 'હું યુપીના લોકોને સાવધાન પણ કરવા માંગુ છું. આ પરિવારવાદી લોકો અત્યારે એટલા ગુસ્સામાં છે કે તેઓ ગરીબો માટે ચાલી રહેલી તમામ યોજનાઓને પહેલા બંધ કરવા મક્કમ છે. તેથી આવા લોકોને ક્યારેય તક ન આપશો. 

પીએમ મોદીએ કહ્યું, 'આ લોકો હેલ્થકેરના નામે કૌભાંડો કરતા હતા. પરંતુ યોગીજીની સરકારે હોસ્પિટલો અને મેડિકલ કોલેજોની જાળ બિછાવી દીધી છે. યોગીજીની સરકારમાં જે કંઈ થઈ રહ્યું છે, તે ભારતમાં ક્યારેય બન્યું નથી.

પીએમ નરેન્દ્ર મોદીએ કહ્યું, 'પરિવારોવાદીએ તેમના ઘર, તેમની તિજોરી ભરી દીધી પરંતુ ક્યારેય ગરીબોની ચિંતા કરી નથી. ગરીબોનું જીવન સરળ બનાવવું જોઈએ, આ લોકો ન તો પહેલા ઈચ્છતા હતા અને ન તો આજે ઈચ્છતા હતા. તમે મોદી અને યોગીજીને જે આશીર્વાદ અને પ્રેમ આપી રહ્યા છો તેનાથી પરિવારવાદીઓની ઊંઘ હરામ થઈ ગઈ છે.

તેમણે કહ્યું, 'ગઈકાલે યુપીમાં પ્રથમ તબક્કાનું મતદાન પૂર્ણ થઈ ગયું છે. યુપીના વિકાસ માટે, યુપીને સુરક્ષિત રાખવા માટે લોકો મોટી સંખ્યામાં ઘરોમાંથી બહાર આવ્યા છે અને મોટી સંખ્યામાં કમળને મત આપ્યો છે. આ લોકોએ ખૂબ જ પ્રયત્નો કર્યા, તમને જાતિના નામે અલગ કરવા, તમને વિભાજિત કરવાનો પ્રયાસ કર્યો, પરંતુ આ લોકો નિષ્ફળ ગયા.