PM Modi Nepal Visit: પ્રધાનમંત્રી મોદીએ બૌદ્ધ સંસ્કૃતિ અને વારસા કેન્દ્રની આધારશિલા રાખી

નવી દિલ્હી: પ્રધાનમંત્રી નરેન્દ્ર મોદી આજે નેપાળ પ્રવાસે છે. પીએમ મોદી પહેલા કુશીનગર પહોંચ્યા અને ત્યાંથી તેઓ M-17 હેલિકોપ્ટરથી નેપાળ માટે રવાના થયા હતા. અહીં તેમણે નેપાળના પીએમ શેર બહાદુર દેઉબા સાથે લુંમ્બિની બૌદ્દ વિહાર ક્ષેત્રમાં ભારત આંતરરાષ્ટ્રીય બૌદ્ધ સંસ્કૃતિ અને વારસા કેન્દ્રના નિર્માણ કાર્ય માટે આધારશીલા રાખી. નિર્માણકાર્ય પૂરું થયા બાદ તે વિશ્વસ્તરીય સુવિધાઓવાળું કેન્દ્ર બની જશે. 

નેપાળના પીએમ સાથે કરી વાર્તા
પીએમ મોદીએ લુમ્બિનીમાં નેપાળના પીએમ શેર બહાદુર દેઉબા સાથે દ્વિપક્ષીય વાતચીત કરી. બંને નેતાઓએ બહુઆયામી દ્વિપક્ષીય ભાગીદારીમાં નવા ક્ષેત્રોને શોધવા તથા હાલના સહયોગને મજબૂત કરવાની રીતો પર ચર્ચા કરી. દેઉબાના નિમંત્રણ પર મોદી બુદ્ધ પૂર્ણિમાના અવસરે લુમ્બિની પહોંચ્યા.