રાષ્ટ્રપતિ ચૂંટણીમાં ક્રોસ વોટિંગ, આ ધારાસભ્યોએ દાવો કરતા કહ્યું-દ્રૌપદી મુર્મૂને આપ્યો મત

President Election 2022: રાષ્ટ્રપતિ ચૂંટણી 2022 માટે આજે સવારે 10 વાગ્યાથી મતદાન શરૂ થયું જે સાંજે 5 વાગ્યા સુધી ચાલશે. એનડીએના ઉમેદવાર દ્રૌપદી મુર્મૂને વિપક્ષના જોઈન્ટ ઉમેદવાર યશવંત સિન્હા પડકાર આપી રહ્યા છે. દેશના 15માં રાષ્ટ્રપતિ માટે આજે મતદાન થઈ રહ્યુ છે. સંસદ અને રાજ્યની વિધાનસભાઓમાં મતદાન થઈ રહ્યું છે. મતદાન દરમિયાન અનેક જગ્યાએથી ક્રોસ વોટિંગ થયું હોવાના અહેવાલ આવી રહ્યા છે.  

શિવપાલ યાદવનું પણ ચોંકાવનારું નિવેદન
સમાજવાદી પાર્ટીમાંથી અલગ થઈને પ્રગતિશીલ સમાજવાદી પાર્ટી બનાવનારા શિવપાલ યાદવે પણ ચોંકાવનારું નિવેદન આપતા કહ્યું કે નેતાજી (મુલાયમ સિંહ યાદવ)ને ISI ના એજન્ટ કહેનારા (વિપક્ષના રાષ્ટ્રપતિ પદના ઉમેદવાર યશવંત સિન્હા)નું અમે ક્યારેય સમર્થન કરી શકીએ નહીં. સપાના કટ્ટર નેતા, નેતાજીના સિદ્ધાંતોનું પાલન કરનારા આવા આરોપ લગાવનારા ઉમેદવારનું ક્યારેય સમર્થન કરશે નહીં.