મોદી કેબિનેટે મહારાષ્ટ્રમાં રાષ્ટ્રપતિ શાસન માટે ભલામણ કરી: સૂત્ર

નવી દિલ્હી: મહારાષ્ટ્રના રાજકારણમાં જબરદસ્ત ઉથલપાથલ જોવા મળી રહી છે. એક બાજુ સૂત્ર દ્વારા એવા સમાચાર આવી રહ્યાં છે કે રાજ્યપાલ ભગતસિંહ કોશ્યારીએ રાષ્ટ્રપતિ શાસનની ભલામણ કરી છે. ત્યારે આ બાજુ નવી દિલ્હીમાં વડાપ્રધાન નરેન્દ્ર મોદીએ બ્રાઝિલ જતા પહેલા કેબિનેટની ઈમરજન્સી બેઠક બોલાવી છે. કેબિનેટ બેઠકને મહારાષ્ટ્રમાં ચાલી રહેલા રાજકીય ઘટનાક્રમને ધ્યાનમાં રાખીને બોલાવી હોવાનું માનવામાં આવી રહ્યું છે. આ બાજુ એવા અહેવાલ છે કે જો મહારાષ્ટ્રમાં રાષ્ટ્રપતિ શાસન લાગુ કરાયું તો શિવસેના સુપ્રીમ કોર્ટ જઈ શકે છે. ઉદ્ધવ ઠાકરેએ આ મુદ્દે કપિલ સિબ્બલ અને અહેમદ પટેલ સાથે વાત પણ કરી છે.