PM મોદીએ કુશીનગર ઈન્ટરનેશનલ એરપોર્ટનું કર્યું ઉદ્ધાટન, ચૂંટણી પહેલા યુપીને મળી મોટી ભેટ

નવી દિલ્હી: પ્રધાનમંત્રી નરેન્દ્ર મોદીએ આજે કુશીનગર ઈન્ટરનેશનલ એરપોર્ટનું ઉદ્ધાટન કર્યું. યુપી ચૂટણી પહેલા આ એરપોર્ટ યુપીની જનતાને મોટી ભેટ છે. દેશના વિકાસમાં કુશીનગર એરપોર્ટની મોટી ભૂમિકા રહેશે. આ એરપોર્ટ ઉત્તર પ્રદેશને વિદેશ સાથે જોડશે. પીએમ મોદીએ કહ્યું કે ભગવાન બુદ્ધ સંલગ્ન સ્થળોને વિક્સિત કરવા માટે સારી કનેક્ટિવિટી માટે અને શ્રદ્ધાળુઓની સુવિધાઓના નિર્માણ પર ભારત તરફથી વિશેષ ધ્યાન અપાઈ રહ્યું છે. કુશીનગરનો વિકાસ યુપી સરકાર અને કેન્દ્ર સરકારની પ્રાથમિકતાઓમાં છે. 

પીએમ મોદીએ કહ્યું કે ભારત વિશ્વભરમાં બૌદ્ધ સમાજની શ્રદ્ધા અને આસ્થાનું કેન્દ્ર છે. આજે કુશીનગર ઈન્ટરનેશનલ એરપોર્ટની આ સુવિધા તેમની શ્રદ્ધાને અર્પિત પુષ્પાંજલિ છે. ભગવાન બુદ્ધના જ્ઞાનથી લઈને મહાપરિનિર્વાણ સુધીની સંપૂર્ણ યાત્રાનું સાક્ષી આ વિસ્તાર આજે સીધો દુનિયા સાથે જોડાઈ ગયો છે. પીએમ મોદીએ કહ્યું કે ઉડાણ યોજના હેઠળ છેલ્લા કેટલાક વર્ષોમાં 900થી વધુ નવા રૂટ્સને સ્વિકૃતિ આપી દેવાઈ છે. જેમાંથી 350થી વધુ હવાઈ સેવાઓ શરૂ પણ થઈ છે. 50થી વધુ નવા એરપોર્ટ કે જે પહેલા સેવામાં ન હતા તેમને ચાલુ કરવામાં આવ્યા છે. 

સંબોધનમાં પીએમ મોદીએ કહ્યું એરપોર્ટથી માત્ર પર્યટનને જ પ્રોત્સાહન મળશે એવું નથી, તેનાથી ખેડૂતો, પશુપાલકો, નાના બિઝનેસમેન વગેરેને પણ ફાયદો થશે. રોજગારની નવી તકો ઊભી થશે. પીએમ મોદીએ કહ્યું કે આવનારા ત્રણ ચાર વર્ષોમાં દેશમાં 200થી વધુ એરપોર્ટ, સીપોડનું નેટવર્ક ઊભું કરવાની કોશિશ છે. 

પીએમ મોદી અગાઉ કાર્યક્રમમાં કેન્દ્રીય નાગરિક ઉડ્ડયન મંત્રી જ્યોતિરાદિત્ય સિંધિયાએ જણાવ્યું કે દિલ્હીથી કુશીનગર માટે સીધી ફ્લાઈટ 26 નવેમ્બરથી શરૂ થશે. ત્યારબાદ 18 ડિસેમ્બરના રોજ કુશીનગરને મુંબઈ અને કોલકાતા સાથે જોડવામાં આવશે. 

આ 10 પોઈન્ટ દ્વારા સરળ ભાષામાં સમજો કે કેવી રીતે આ એરપોર્ટ યુપીના ડેવલપમેન્ટમાં ગેમચેન્જર સાબિત થશે. 

1. ઉદ્ધાટન ઉડાણ (Inaugural Flight) 125 ડિગ્રીટરીઝ અને બૌદ્ધ ભિક્ષુઓને લઈને કોલંબો, શ્રીલંકા એરપોર્ટ પર ઉતરશે.