PM મોદીએ કોવિડ-19 પર દેશના ડોક્ટરો સાથે કરી વાત, તેમના સૂચનો અનુભવો જાણ્યા

નવી દિલ્હીઃ પ્રધાનમંત્રી નરેન્દ્ર મોદીએ સોમવારે દેશભરના ડોક્ટરો પાસે કોવિડ-19 પર તેમની સલાહ અને અનુભવો વિશે જાણ્યુ હતુ. સમાચાર એજન્સી પ્રમાણે પીએમ મોદીએ કોવિડ કેયરમાં લાગેલા ડોક્ટરોના સમૂહો સાથે વીડિયો કોન્ફરન્સ દ્વારા ચર્ચા કરી હતી. 

આ દરમિયાન જમ્મુ-કાશ્મીર, નોર્થ ઈસ઼્ટ સહિત દેશભરના ડોક્ટર હાજર હતા. ડોક્ટરોએ આ ખતરનાક મહામારીનો સામનો કરવા દરમિયાન પોતાના અનુભવો કહ્યા અને પોતાના તરફથી સૂચન આપ્યા હતા. 

એક દિવસમાં 2.81 લાખથી વધુ કેસ
કેન્દ્રીય આરોગ્ય મંત્રાલયના જણાવ્યાં મુજબ દેશભરમાંથી છેલ્લા 24 કલાકમાં 2,81,386 નવા દર્દીઓ નોંધાયા છે. આ સાથે કોરોનાના કુલ કેસનો આંકડો 2,49,65,463 પર પહોંચી ગયો છે. જો કે એક દિવસમાં કોરોનાથી 3,78,741 દર્દીઓ રિકવર પણ થયા છે. કુલ રિકવર થયેલા દર્દીઓની સંખ્યા  2,11,74,076 થઈ છે. જો કે મોતનો આંકડો ચિંતાજનક છે. એક દિવસમાં કોરોનાએ 4106 લોકોનો ભોગ લીધો. દેશમાં કોરોનાથી કુલ મૃત્યુઆંક 2,74,390 થયો છે. રસીકરણ અભિયાન હેઠળ અત્યાર સુધીમાં 18,29,26,460 લોકોને રસી અપાઈ છે.