‘બોટ યાત્રા’ બાદ હવે ટ્રેનથી અયોધ્યા સુધી મુસાફરી કરશે પ્રિંયકા ગાંધી વાડ્રા

ફૈઝાબાદ: લોકસભા ચૂંટણી 2019થી પહેલા કોંગ્રેસ મહાસચિવ અને પૂર્વ ઉત્તર પ્રદેશની પ્રભારી પ્રિયંકા ગાંધી વાડ્રા યૂપીમાં પાર્ટી માટે રાજકીય જમીન તૈયાર કરવામાં લાગી છે. આ ક્રમમાં મતદાતાઓથી સંપર્ક કરવા માટે પ્રયાગરાજથી વારાણસી વચ્ચે બોટ યાત્રા બાદ હવે પ્રિયંકા ગાંધી વાડ્રા ફરીથી યૂપીના ત્રણ દિવસીય પ્રવાસ કરશે. પ્રિયંકા ગાંધી 27, 28 અને 29 માર્ચ આ ત્રણ દિવસીય યૂપીના પ્રવાસે જશે. તે દરમિયાન પહેલા દિવસે પ્રિયંકા ગાંધી 27 માર્ચે દિલ્હીથી અયોધ્યા વચ્ચે ટ્રેન યાત્રા કરશે.

વધુમાં વાંચો: લોકસભા ચૂંટણી 2019: બોલીવુડની ડ્રિમ ગર્લ આજે મથુરાથી નોંધાવશે ઉમેદવારી

પ્રિયંકા ગાંધી અયોધ્યામાં રોડ શો કરશે. જોકે, હજુ સુધી તે સ્પષ્ટ થયું નથી કે તેઓ પવિત્ર શહેરના કોઇ ધાર્મિક સ્થળ પર જશે કે નહીં. ઉત્તર પ્રદેશ કોંગ્રેસ સમિતિના સચિવ રાજેન્દ્ર પ્રતાપ સિંહે જણાવ્યું હતું કે, પ્રિયંકા ગાંધી વાડ્રા દિલ્હીથી કૈફિયત એક્સપ્રેસ દ્વારા અયોધ્યા માટે રવાના થશે. ટ્રેન સવારે 5 કલાક 30 મિનિટ પર ત્યાં પહોંચવાની આશા છે. સિંહે કહ્યું કે, અયોધ્યા રેલવે સ્ટેશન નજીક આવેલી એક હોટલમાં થોડીવાર રોકાયા બાદ તે સવારે 10 વાગે અયોધ્યામાં રોડ શો કરશે.