કોઈ હોટલમાં કેળા ખાતા પહેલાં સમજી-વિચારીને આપજો ઓર્ડર, બે કેળાનું બિલ આવ્યું રૂ.443...!

નવી દિલ્હીઃ શું તમે ક્યારેય કેળા ખાધા છે? તમને એમ લાગશે કે આમાં વળી શું નવું છે? હવે એ વિચારો કે તમે જે શહેરમાં રહો છો ત્યાં એક ડઝન કેળાનો શું ભાવ છે? તમારા શહેરમાં એક ડઝન કેળાનો ભાવ રૂ.40 કે 60 હશે. ચાલો વધુમાં વધુ રૂ.100 માની લઈએ. 

જોકે, એક ફાઈવસ્ટાર હોટલમાં માત્ર બે કેળાનું બિલ એવું આયું કે કેળાનો ઓર્ડર આપનારી વ્યક્તિની આંખો પહોળી થઈ ગઈ હતી. બોલિવૂડના અભિનેતા અને ડિરેક્ટર રાહુલ બોસની ફાઈવ સ્ટાર હોટલમાં મળેલું બે કેળાનું બિલ જોઈને આંખો પહોળી થઈ ગઈ અને તેમણે આ બિલનો વીડિયો ટ્વીટર પર શેર કર્યો છે. તેમણે આ વીડિયોમાં જણાવ્યું છે કે, તેઓ એક હોટલમાં ગયા હતા જ્યાં તેમણે બે કેળાનો ઓર્ડર આપ્યો હતો. જોકે જ્યારે એ કેળાનું બિલ આવ્યું ત્યારે તેમના હોશ ઉડી ગયા હતા!