કલમ 370 પર આખરે રાહુલ ગાંધીએ ચૂપ્પી તોડી, કહ્યું-`સત્તાના દુરઉપયોગથી દેશની સુરક્ષાને ખતરો`

નવી દિલ્હી: લોકસભામાં આજે ગૃહ મંત્રી અમિત શાહે જમ્મુ અને કાશ્મીર પુન:ગઠન બિલ 2019 રજુ કર્યું. તેના પર વિપક્ષના આકરા સવાલોના ગૃહ મંત્રી બરાબર જવાબ પણ આપી રહ્યાં છે. આ બિલ રાજ્યસભામાં સોમવારે બહુમતીથી પસાર થઈ ગયું. જો કે કોંગ્રેસ નેતા અને પૂર્વ અધ્યક્ષ રાહુલ ગાંધીએ હવે આ સમગ્ર મામલે આજે ટ્વીટ  કરીને પ્રતિક્રિયા આપી છે. રાહુલ ગાંધીની ટ્વીટ એવા સમયે આવી છે કે જ્યારે તેમની જ કોંગ્રેસ પાર્ટીના અનેક યુવા નેતાઓ અને દિગ્ગજ નેતા મોદી સરકારના આ નિર્ણયનું સમર્થન કરી રહ્યાં છે. 

આ અગાઉ લોકસભામાં બિલ પર ચર્ચાની શરૂઆત કરતા શાહે કહ્યું હતું કે જમ્મુ અને કાશ્મીર ભારતનું અવિભાજ્ય અંગ છે. તેના પર કાયદો  બનાવવાનો સંસદને પૂરેપૂરો અધિકાર છે. કોંગ્રેસના રાજમાં કલમ 370 પર બે વાર સંશોધન થયું. અમિતશાહે એમ પણ કહ્યું કે તેઓ જ્યારે પણ જમ્મુ અને કાશ્મીરની વાત કરે છે ત્યારે તેમાં પીઓકે અને અક્સાઈ ચીન પણ સામેલ હોય છે. 

જુઓ LIVE TV