Corona: કોંગ્રેસ નેતા રાહુલ ગાંધી કોરોના પોઝિટિવ, ટ્વીટ કરી આપી જાણકારી

નવી દિલ્હીઃ કોંગ્રેસ નેતા રાહુલ ગાંધી કોરોના વાયરસ (Rahul Gandhi Corona Positive) થી સંક્રમિત થયા છે. તેમણે ટ્વીટ કરી આ જાણકારી આપી છે. રાહુલ ગાંધીએ કહ્યુ કે, હળવા લક્ષણ દેખાયા બાદ મેં કોરોના ટેસ્ટ કરાવ્યો, મારો રિપોર્ટ પોઝિટિવ આવ્યો છે. હાલમાં જે પણ લોકો મારા સંપર્કમાં આવ્યા છે, તે કોરોના પ્રોટોકોલનું પાલન કરે અને સુરક્ષિત રહે. 

મહત્વનું છે કે રાષ્ટ્રીય રાજધાની દિલ્હીમાં કોરોના કેસમાં ખુબ વધારો થઈ રહ્યો છે. સોમવારે અહીં 23686 લોકો સંક્રમિત થયા અને 240ના મોત થયા હતા. આ પહેલા સોમવારે પૂર્વ પ્રધાનમંત્રી મનમોહન સિંહ, પૂર્વ કેન્દ્રીય મંત્રી આનંદ શર્મા પણ સંક્રમિત થયા હતા.