પ્રિયંકા-રોબર્ટ વાડ્રાના પુત્રએ પ્રથમવાર કર્યું મતદાન, કહી આ વાત

નવી દિલ્હીઃ પ્રિયંકા ગાંધી વાડ્રા અને રોબર્ટ વાડ્રાના પુત્ર રેહાન રાજીવ વાડ્રાએ પોતાના જીવનમાં પ્રથમવાર મતદાન કર્યું છે. રેહાન વાડ્રાએ કહ્યું કે, લોકશાહી પ્રક્રિયામાં ભાગ લેવો એક શાનદાર અનુભવ છે. દરેકે પોતાના મતાધિકારનો ઉપયોગ કરવો જોઈએ. 

રેહાન વાડ્રાએ આ તકે કહ્યું કે, પબ્લિક ટ્રાન્સપોર્ટ સુધી બધાની પહોંચ હોવી જોઈએ અને તેમાં વિદ્યાર્થીઓને સબ્સિડી આપવી જોઈએ. મહત્વનું છે કે પ્રિયંકા ગાંધી વાડ્રા, રોબર્ટ વાડ્રા અને તેમના પુત્ર રેહાન વાડ્રાએ લોધી એસ્ટટ સ્થિત એક મતદાન કેન્દ્રમાં મતદાન કર્યું હતું. 

મહત્વનું છે કે દિલ્હી વિધાનસભા (Delhi Assembly Election 2020)ની 70 સીટો માટે આજે મતદાન થઈ રહ્યું છે. દિલ્હીના 1.47 કરોડ મતદાતા આજે પોતાના મતાધિકારનો ઉપયોગ કરીને નવી સરકાર ચૂંટશે.