Video: રામકથા કહી રહેલા પંડીતજીએ લોકોને કહ્યું ભાગો અને મંડપ તુટી પડ્યો

જયપુર : રાજસ્થાનનાં બાડમેર નજીક આવેલ જસોલ ગામમાં તોફાનનાં કારણે મંડપ તુટી પડતા 17 લોકોનાં મોતનાં સમાચાર આવી રહ્યા છે. એએનઆઇના અનુસાર આ દરમિયાન 24 લોકો ઘાયલ પણ થઇ ગયા છે. અધિકારીક સુત્રોએ 14 લોકોનાં મોતની પૃષ્ટી કરી છે. જેમાં 11 પુરૂષો, 2 મહિલા અને 1 બાળકનો સમાવેશ થાય છે. 

ઘટના સમય ચાલી રહેલી રામકથાનો એક વીડિયો સામે આવ્યો છે. આ વીડિયોમાં કથાવાચક મુરલીધરજી મહારાજ જસોલા ગામમાં પ્રવચન કાર્યક્રમ દરમિયાન લોકોને રામકથા સંભળાવી રહ્યા હતા. તેમણે ઘટનાની સેકન્ડો પહેલા મંડમાં હાજર લોકોને મંડપ પડી રહ્યો હોવાનાં કારણે બહાર નિકળી જવા માટેની અપીલ કરી હતી. 

ઘટનાની માહિતી બાદ વડાપ્રધાન મોદી, મુખ્યમંત્રી અશોક ગહલોત, ગૃહમંત્રી અમિત શાહે મૃતકો પ્રત્યે શોક સંવેદના પ્રકટ કરી છે. આ સાથે જ ઘાયલોની સારવાર ચાલી રહી છે.