પંચતત્વમાં વિલીન થયા રામવિલાસ પાસવાન, પુત્ર ચિરાગે આપી મુખાગ્નિ

પટનાઃ કેન્દ્રીય મંત્રી રામવિલાસ પાસવાનના રાજકીય સન્માન સાથે દીઘા ઘાટ પર અંતિમ સંસ્કાર કરવામાં આવ્યા છે. પુત્ર ચિરાગ પાસવાને પિતાને મુખાગ્નિ આપી હતી. આ દરમિયાન તે બેભાન થઈને નીચે પડી ગયો હતો. ત્યાં હાજર લોકોએ ચિરાગને સંભાળ્યો હતો. આ પહેલા દીધા ઘાટ પર અંતિમ વિદાય આપવા માટે હજારોની સંખ્યામાં સમર્થકો હાજર રહ્યાં હતા. આ તકે પૂર્વ નાયબ મુખ્યમંત્રી તેજસ્વી યાદવે પણ દીધા ઘાટ પહોંચીને દિવંગત નેતાને શ્રદ્ધાંજલિ આપી હતી. 

દીધા ઘાટ પર રાજકીય સન્માનની સાથે કેન્દ્રીય મંત્રીને અંતિમ વિદાય આપવામાં આવી હતી. અહીં સીએમ નીતીશ કુમાર, કેન્દ્રીય મંત્રી રવિશંકર પ્રસાદ, ગિરિરાજ સિંહ, નિત્યાનંદ રાય, નાયબ મુખ્યમંત્રી સુશીલ મોદી અને આરજેડી નેતા તેજસ્વી યાદવ હાજર રહ્યા હતા. બધા નેતાઓએ પાર્થિવ શરીર પર પુષ્પાંજલિ અર્પિત કરી હતી.