વિશ્વમાં PM મોદીનો ડંકો: UAE બાદ મહાશક્તિ રશિયાએ આપ્યું સર્વોચ્ચ સન્માન

નવી દિલ્હી : વડાપ્રધાન નરેન્દ્ર મોદીની શાખ વિશ્વમાં સતત વધી રહી છે. મહાશક્તિ કહેવાતા દેશ રશિયાએ શુક્રવારે મોદીને પોતાનો સર્વોચ્ચ નાગરિકતા સન્માન આપવાની જાહેરાત કરી છે. ઓર્ડર ઓફ સેંટ એંડ્રયૂ દ એપોસલ નામનું આ સન્માન રશિયાએ વડાપ્રધાન મોદીને ભારત અને રશિયા વચ્ચે વિશેષ રણનીતિક ભાગીદારીને વિશેષ રીતે વધારવા માટે આપવાની જાહેરાત કરી છે. 

આ સન્માનને વર્ષ 1698માં રશિયાનાં તત્કાલીન સમ્રાટ જાર પીટર ધ ગ્રેટે ઇસા મસીહ અને રશિયાનાં પૈટ્રન સેંટનાં પહેલા દેવદૂતના સન્માનમાં સ્થાપિત કરવામાં આવ્યો છે. વડાપ્રધાન મોદી આ સન્માન મેળવનારા 17માં વ્યક્તિ છે. આ અગાઉ રશિયા આ સન્માન ચીનનાં રાષ્ટ્રપતિ શી જિનપિંગને પણ આપી ચુક્યું છે. આ સમ્માનને સોવિયત સંઘના સમયે બંધ કરી દેવામાં આવ્યું હતું. જો કે 1998માં રશિયાએ તેની ફરીથી શરૂઆત કરી હતી. 

અત્રે ઉલ્લેખનીય છે કે, 4 એપ્રીલે સંયુક્ત અરબ અમીરાત (UAE) દ્વારા પણ વડાપ્રધાન નરેન્દ્ર મોદીને દ્વિપક્ષીય રણનીતિક સંબંધોને ખુબ જ વધારવા માટે પોતાનાં પ્રતિષ્ઠિત જાયદ મેડલથી સન્માનિત કર્યા હતા. યુએઇનાં રાષ્ટ્રપતિ શેખ ખલીફા બિન જાયદ અલ નાહયાને રાજાઓ, રાષ્ટ્રપતિઓ અને રાષ્ટ્રાધ્યક્ષોને આપવામાં આવનારા આ સર્વોચ્ચ સન્માનમાં વડાપ્રધાન મોદીનું સન્માન કર્યું હતું.