Russia Ukraine War: રોમાનિયાથી વધુ એક વિમાન દિલ્હી પહોંચ્યું, યુક્રેનમાં ફસાયેલા 218 ભારતીયો પરત આવ્યા

નવી દિલ્હીઃ યુક્રેનમાં ફસાયેલા ભારતીયોને પરત લાવવા માટે કેન્દ્ર સરકાર ઓપરેશન ગંગા ચલાવી રહી છે. તે હેઠળ મંગળવારે રોમાનિયાથી 2018 ભારતીયોને લઈને એક વિમાન દિલ્હી પહોંચ્યું છે. આ સિવાય હંગરીની રાજધાની બુડાપેસ્ટથી પણ એક વિમાન દિલ્હી પહોંચ્યું છે. તેમાં 2016 ભારતીયોને પરત લાવવામાં આવ્યા છે. કેન્દ્રીય મંત્રી મનસુખ માંડવિયાએ દિલ્હી એરપોર્ટ પર ભારતીયોનું સ્વાગત કર્યુ. તેમણે વિશ્વાસ અપાવ્યો કે સરકાર યુક્રેનમાં ફસાયેલા દરેક ભારતીયને પરત લાવવાનો પ્રયાસ કરી રહી છે. 

મહત્વનું છે કે યુક્રેનમાં ફસાયેલા ભારતીયોને પરત લાવવા માટે સરકાર ઓપરેશન ગંગા ચલાવી રહી છે. તેની શરૂઆત 26 ફેબ્રુઆરીએ થઈ હતી. આ મુહિમમાં અત્યાર સુધી 2 હજારથી વધુ ભારતીયોને પરત લાવવામાં આવી ચુક્યા છે. આ પહેલાં બુડાપેસ્ટથી 240 ભારતીયોને લઈને એક વિમાન દિલ્હી પહોંચ્યું હતું.