શ્રાવણ-ભાદરવામાં આર્થિક મંદી રહે છે, શોર મચાવનારા હારની ખીજ કાઢી રહ્યાં છે: સુશીલ મોદી

પટણા: બિહારના ઉપમુખ્યમંત્રી સુશીલ મોદીએ દેશની ડામાડોળ થયેલી અર્થવ્યવસ્થા અને મંદીને રૂટિન ગણાવતું વિવાદીત નિવેદન આપ્યું છે. તેમણે કહ્યું કે દર વર્ષે શ્રાવણ અને ભાદરવા મહિનામાં આર્થિક મંદી રહે છે. પરંતુ આ વખતે મંદીનો શોર મચાવી રહેલા કેટલાક લોકો ચૂંટણીની હારની ખીજ ઉતારી રહ્યાં છે. 

આ સાથે જ તેમણે કહ્યું કે બિહારમાં મંદીની કોઈ ખાસ અસર નથી. આથી વાહનોનું વેચાણ ઘટ્યું નથી. સુશીલ મોદીએ કહ્યું કે કેન્દ્ર સરકાર જલદી ત્રીજુ પેકેજ જાહેર કરવાની છે.