VIDEO : દિલ્હી-NCRમાં હિમવર્ષા જેવા દૃષ્યો, નોઈડા બન્યું શિમલા
નોઈડા અને એનસીઆરની સડક પર બરફની સફેદ ચાદર પથરાઈ ગઈ હતી, જેના કારણે લોકોને એક જ અનુભવ જોવા મળ્યો હતો,દિલ્હીમાં ખરાબ હવામાનને કારણે હરિયાણાના મુખ્યમંત્રી મનોહરલાલ ખટ્ટરના ચાર્ટર્ડ વિમાન સહિત 16 વિમાનોને ગુરુવારે જયપુરના સંગાનેર આંતરરાષ્ટ્રીય વિમાન મથક મોકલવા પડ્યા હતા
નવી દિલ્હીઃ દિલ્હી-NCRમાં ગુરુવારે સાંજે અચાનક જ હવામાનમાં પલટો આવ્યો હતો. દિલ્હી અને તેની આજુ-બાજુના વિસ્તારોમાં વરસાદ પડ્યો તો નોઈડામાં એટલા બધા કરા પડ્યા, જાણે કે ચારેય તરફ હિમવર્ષા થઈ હોય.
આ બદલાયેના હવામાન અંગે લોકોએ સોશિયલ મીડિયા પર જાત-જાતની પ્રતિક્રિયા વ્યક્ત કરી હતી. લોકોએ આ અનોખા દૃશ્યોનાં ફોટા સોશિયલ મીડિયા પર શેર કર્યા હતા. અનેક લોકોએ એવું લખ્યું કે નોઈડા બની ગયું શીમલા.
પ્રખ્યાત કવિ ડો. કુમાર વિશ્વાસે પણ ટ્વીટર પર નોઈડામાં પડેલા કરાનો એક વીડિયો શેર કર્યો છે. તેમણે લખ્યું છે કે, આજે નોઈડાનું શિમલાકરણ થઈ ગયું.
ભારતના વધુ સમાચાર જાણવા અહીં કરો ક્લિક...