આ માત્ર તસવીરો નહીં પરંતુ `ભારતનો આત્મા` છે...જેને જોવાથી મનને ઠંડક થાય છે

નવી દિલ્હી: ભારત એ અનેકમાં એક્તા અને વિવિધતા ધરાવતો દેશ છે. અલગ અલગ સંસ્કૃતિ, ધર્મ  અને જાતિના લોકો એકસાથે સંપથી રહે છે. ગંગા જમુના તહજીબ ધરાવતો આપણા આ ભારત દેશમાં છેલ્લા કેટલાક સમયથી સાંપ્રદાયિક તણાવ જોવા મળ્યો. પરંતુ હવે જે તસવીરો સામે આવી છે તેને જોતા ખુબ જ આનંદ અને રાહત થશે. એક તસવીર રોજા ઈફ્તારની છે જ્યારે બીજી તસવીર પરશુરામ જયંતીના અવસરે કાઢવામાં આવેલી શોભાયાત્રાની છે. પરંતુ આ તસવીરોની ખાસ વાત એ છે કે તેમાં ધાર્મિક સૌહાર્દનો સંદેશ જોવા મળી રહ્યો છે. 

રોજા ઈફ્તારીની આ તસવીર મધ્ય પ્રદેશનના અનુપપુર જિલ્લાની છે. હિન્દુ સમાજના લોકોએ રમઝાનના આ પાક મહિનામાં રોજા રાખી રહેલા મુસ્લિમ ભાઈઓને મસ્જિદમાં રોજા ઈફ્તાર કરાવી. અહીંના હિન્દુ પરિવારોએ સુન્ની હનફી અબ્બાસિયા મસ્જિદમાં રોજા રાખી રહેલા મુસ્લમ ભાઈઓને રોજા ઈફ્તાર પાર્ટી કરાવી. મુસ્લિમ ભાઈઓએ પણ હિન્દુ પરિવારો તરફથી ભાવથી આપવામાં આવેલી ઈફ્તાર પાર્ટીનો ભરપૂર આનંદ લીધો. મુસ્લિમોએ દેશમાં હિન્દુ મુસ્લિમો વચ્ચે ભાઈચારો જળવાઈ રહે તે માટે દુઆ પણ માંગી.