અવળચંડા ચીનની વધુ એક નાપાક હરકતનો ખુલાસો, અરુણાચલ પ્રદેશમાં આ ઘટનાને આપ્યો અંજામ!

ઈટાનગર: પૂર્વ લદાખમાં LAC પર સૈન્ય તણાવ ઓછો કરવાની વાતચીતનું નાટક કરતા ચીનની ચાલાકીઓ ઓછી થતી નથી. આરોપ છે કે ચીનની પીપલ્સ લીબરેશન આર્મીએ અરુણાચલ પ્રદેશમાં ઘૂસીને એક ભારતીય કિશોરનું અપહરણ કરી લીધુ. 

મંગળવારે ઘટી ઘટના
અરુણાચલ પ્રદેશના ભાજપના સાંસદ તાપિર ગાવે દાવો કર્યો છે કે ચીની સેના PLA એ રાજ્યના એક 17 વર્ષના કિશોર Miram Taron નું અપહરણ કરી લીધુ છે. સાંસદના જણાવ્યા મુજબ આ ઘટના મંગળવારની છે. ચીની સેનાએ Lungta Jor વિસ્તારમાંથી 17 વર્ષના કિશોરનું અપહરણ કરી લીધુ છે. 

ભારતીય વિસ્તારમાં રસ્તો બનાવી ચૂક્યું છે ચીન
તાપિર ગાવના જણાવ્યાં મુજબ Lungta Jor વિસ્તાર ભારતીય સીમાની લગભગ 4 કિમી અંદર છે. જ્યાં ચીનની સેનાએ 2018માં રસ્તો બનાવ્યો હતો. સાંસદે કહ્યું કે ચીની સેનાની ચુંગલમાંથી આવેલા યુવકે આખી ઘટના ભારતીય અધિકારીઓને જણાવી. તેમણે સરકારને અરુણાચલ પ્રદેશના કિશોરને પાછા લાવવાની અને ચીની સેનાના અતિક્રમણ પર અંકુશ લગાવવાની માગણી કરી છે.