હૈદરાબાદઃ ભારતીય જનતા પાર્ટીના નેતા ટી રાજા સિંહ (T Raja Singh) ને પયગંબર મોહમ્મદ પર વિવાદિત ટિપ્પણી કરવાના આરોપમાં હૈદરાબાદ પોલીસે આજે ફરી અટકાયત કરી છે. ધારાસભ્યની ભારે વિરોધ વચ્ચે 23 ઓગસ્ટે પોલીસે ધરપકડ કરી હતી. પરંતુ કોર્ટમાંથી તેમને જામીન મળી ગયા હતા. ત્યારબાદ પ્રદર્શન ઉગ્ર બની ગયું અને લોકો ધારાસભ્યની ધરપકડ કરવાની માંગ કરી રહ્યાં હતા. 


ભાજપે કરી દીધા સસ્પેન્ડ
23 ઓગસ્ટે ભાજપે પોતાના ધારાસભ્ય ટી રાજા સિંહને સસ્પેન્ડ કરી દીધા હતા અને નોટિસ જારી કરીને જવાબ માંગ્યો હતો. હૈદરાબાદના ગોશામહલ વિધાનસભા ક્ષેત્રથી ધારાસભ્ય રાજા સિંહ પોતાની કટ્ટર ધાર્મિક નિવેદનબાજી માટે જાણીતા છે અને આ કારણે તે ચર્ચામાં રહે છે. 


Zee News App ડાઉનલોડ કરો, અમારી સાથે જોડાઓ : facebook | twitter | youtube