Tral Encounter: સુરક્ષાદળોને મળી સફળતા, ત્રાલ એનકાઉન્ટરમાં જૈશનો ટોપ કમાન્ડર શામ સોફી ઠાર

શ્રીનગરઃ Tral Encounter: જમ્મુ-કાશ્મીરના ત્રાલમાં એનકાઉન્ટરમાં આતંકી સંગઠન જૈશ-એ-મોહમ્મદના ટોપ કમાન્ડર શામ સોફીને ઢેર કરી દેવામાં આવ્યો છે. આઈજીપી કશ્મીર વિજય કુમારે આ વાતની જાણકારી આપી છે. આ પહેલા પોલીસે જણાવ્યું હતું કે અવંતીપોરાના ત્રાલ વિસ્તારના તિલવાની મોહલ્લામાં અથડામણ શરૂ થઈ છે. પોલીસ અને સુરક્ષાદળોનું ઓપરેશન જારી છે. 

પાછલા દિવસોમાં સુરક્ષાદળોએ પાંચ આતંકીઓને ઠાર કર્યા હતા. શોપિયાંમાં સોમવારે અને મંગળવારે સુરક્ષાદળોએ ઓપરેશનમાં પાંચ આતંકીઓને મોતને ઘાટ ઉતારી દીધા હતા. શોપિયાં જિલ્લાના તુલરાન અને ફેરીપોરા વિસ્તારમાં થયેલા આ ઓપરેશનમાં સીઆરપીએફની 178 બટાલિયન, રાષ્ટ્રીય રાઇફલ્સ અને જમ્મુ-કાશ્મીર પોલીસના જવાન સામેલ રહ્યા હતા.