નવી દિલ્હી: ભારતીય હવામાન વિભાગનું ટ્વિટર એકાઉન્ટ હેક થઈ ગયું છે. તેના પર thebeanzdrop.com ના નામથી ટ્વીટ્સ પોસ્ટ થઈ રહ્યા છે. જેમાં લખ્યું છે કે બીન્ઝ ઓફિશિયલ કલેક્શન માટે સેલિબ્રેટ કરી રહ્યું છે. અમે તમામ NFT ટ્રેડર્સ માટે કોમ્યુનિટીમાં આગામી બે કલાક માટે એરડ્રોપ ખોલી રહ્યા છીએ.


સમાચાર એજન્સી ANI એ આ સમાચારને લઇને ટ્વીટ પણ કર્યું છે. જેમાં ભારતીય હવામાન વિભાગના હેક ટ્વિટર એકાઉન્ટનો સ્ક્રીનશોટ પણ છે. આ ઉપરાંત હવામાન વિભાગના ટ્વિટર એકાઉન્ટ પર અજાણ્યા ટ્વિટર એકાઉન્ટને ટેગ કરવામાં આવ્યા છે. સરકારના અધિકારી અને આઇટી એન્જિનિયર્સ આ સમસ્યાને ઉકેલી રહ્યા છે.


Zee News App ડાઉનલોડ કરો, અમારી સાથે જોડાઓ : facebook | twitter | youtube