Rahul Gandhi એ લખ્યું- ``સાચા રામ ભક્ત આવું ન કરી શકે``, યોગીએ આપ્યો વળતો જવાબ

લખનઉઃ ઉત્તર પ્રદેશ  (Uttar Pradesh) ના ગાઝિયાબાદમાં એક વૃદ્ધ મુસ્લિમ વ્યક્તિ સાથે કથિત મારપીટ અને બળજબરી પૂર્વક ધાર્મિક નારા લગાવવાના આરોપો પર કોંગ્રેસ નેતા રાહુલ ગાંધી (Rahul Gandhi) ઘેરાયા છે. રાહુલ ગાંધીએ આ મામલામાં ટ્વીટ કરીને સવાલ ઉઠાવ્યા તો ઉત્તર પ્રદેશના મુખ્યમંત્રી યોગી આદિત્યનાથે  (Yogi Adityanath) પલટવાર કર્યો છે. 

શું છે મામલો
હકીકતમાં સોશિયલ મીડિયા પર એક વીડિયો વાયરલ થઈ રહ્યો છે જેમાં એક મુસ્લિમ વ્યક્તિએ ચાર અજાણ્યા લોકો પર ગાઝિયાબાદમાં સુમસામ પડેલા એક મકાનમાં લઈ જઈ તેને જય શ્રીરામના નારા લગાવવા માટે મજબૂર કરવા, માર મારવા અને દાઢી કાપવાનો આરોપ લગાવ્યો છે. ગાઝિયાબાદ પોલીસે આ આરોપોને નકારી દીધા છે. 

શું બોલી પોલીસ
ગાઝિયાબાદના એસએસપી અમિત પાઠકે કહ્યુ કે, બુલંદશહરના નિવાસી અબ્દુલ સમાજે પોતાની ફરિયાદમાં આ પ્રકારનો આરોપ લગાવ્યો નથી, જે વીડિયોમાં લગાવવામાં આવ્યો છે. પરંતુ પોલીસે સમદને તપાસમાં સામેલ થવા વારંવાર બોલાવ્યો, પરંતુ તે પોલીસ પાસે પરત આવ્યો નથી.