Success Story: દિવસે રિઝર્વ બેંકમાં નોકરી, રાત્રે અભ્યાસ, કહાની UPSC માં 6ઠ્ઠા રેંકવાળી સૃષ્ટીની

UPSC Topper Srishti Dabas: સૃષ્ટિ ડબાસે સેલ્ફ સ્ટડીથી યૂપીએસસી સિવિલ સેવા પરીક્ષા 2023 ઓલ ઇન્ડીયા રેંક સાથે પાસ કરી છે. સૃષ્ટિ હાલ મુંબઇમાં ભારતીય રિઝર્વ બેંકમાં કામ કરે છે. સૃષ્ટિએ પોતાનું પ્રાથમિક શિક્ષણ અને ગ્રેજ્યુએશનનો અભ્યાસ દિલ્હીથી કર્યો. ત્યારબાદ તેમણે સામાજિક ન્યાય અને અધિકારિતા મંત્રાલય સાથે કામ કર્યું અને હાલમાં મુંબઇમાં તૈનાત ભારતીય રિઝર્વ બેંક (આરબીઆઇ) ની સાથે કામ કરી રહી છે. સૃષ્ટિ ભારતીય રિઝર્વ બેંકમાં માનવ સંશાધન વિભાગમાં તૈનાત છે અને બેંકમાં કર્મચારીઓ સાથે તમામ મૂલ્યાંકનનું મેનેજમેન્ટ કરે છે. 

ક્યારે કરે છે અભ્યાસ
આરબીઆઇમાં કામ કરતાં તેમણે યૂપીએસસીની તૈયારી શરૂ કરી. તે દિવસે કામ કરતી હતી અને રાત્રે અભ્યાસ કરતી હતી. અભ્યાસ ઉપરાંત તે કથક પર્ફોમિંગમાં પણ ખાસ ઇન્ટરેસ્ટ ધરાવે છે. 

જ્યારે આ વર્ષ આદિત્ય શ્રીવાસ્તવે યૂપીએસસી પરીક્ષામાં ટોપ કર્યું, ત્યારબાદ અનિમેષ પ્રધાન અને ડોનોરૂ અનનન્યા રેડ્ડીએ ક્રમશ: બીજા અને ત્રીજા પર છે. યૂપીએસસીએ 2 જાન્યુઆરીથી 9 એપ્રિલ 2024 સુધી ઇન્ટરવ્યું આયોજિત કર્યા. યૂપીએસસી સીએસઇ મેન્સ માટે, લગભગ 2,916 ઉમેદવારો ક્વોલિફાઇ થયા અને ઇન્ટરવ્યું રાઉન્ડમાં પહોંચ્યા. 

કેવી રીતે તૈયાર થાય છે મેરિટ લિસ્ટ?
યૂપીએસસી સિવિલિ સેવા દ્વારા ભારતીય વહીવટી સેવાઓ (IAS), ભારતીય પોલીસ સેવાઓ (IPS) અને ભારતીય વિદેશી સેવાઓ (IFS), રેલ્વે ગ્રુપ A (ભારતીય રેલવે એકાઉન્ટ્સ સેવા), ભારતીય ટપાલ સેવાઓ, ભારતીય ડાકસેવા, ભારતીય વેપાર સેવાઓ અને અન્ય સેવાઓ માટે પસંદગી કરવામાં આવે છે. UPSC સિવિલ સર્વિસિસ પરીક્ષા ત્રણ તબક્કામાં લેવામાં આવે છે -મુખ્ય પરીક્ષા અને ઇન્ટરવ્યુમાં પ્રદર્શનના આધારે અંતિમ મેરિટ લિસ્ટ બહાર પાડવામાં આવે છે.