નોર્થ મુંબઈથી ચૂંટણી લડી રહેલા કોંગ્રેસના નેતા ઉર્મિલા માતોંડકરે આપ્યું ગુજરાતીમાં ભાષણ

નવી દિલ્હી: બોલિવૂડમાં સફળ કેરિયર બાદ હવે ઉર્મિલા માતોંડકરે કોંગ્રેસની ટિકિટ પર ચૂંટણીમાં ઉતરવાની તૈયારી કરી લીધી છે. નોર્થ મુંબઈ લોકસભા બેઠકથી ઉર્મિલા માતોંડકર ચૂંટણીના મેદાનમાં છે. આ વિસ્તારમાં મરાઠીઓની સાથે સાથે ગુજરાતીઓની પણ સારી પકક્ડ છે. આવામાં ગુજરાતી મતદારોને લલચાવવા માટે ઉર્મિલા માતોંડકરે પોતાના ભાષણમાં મરાઠીની સાથે સાથે ગુજરાતીમાં પણ સ્પીચ આપી. નોર્થ મુંબઈના બોરીવલી વિસ્તારમાં પ્રચાર માટે ઉર્મિલા માતોંડકર દરેક શેરી, ગલીમાં સભા કરી રહ્યાં છે. 

ઉર્મિલાએ બોરીવલી વિસ્તારમાં ઓટોમાં સવારીની સાથે જ તેને ચલાવીને પ્રચાર કર્યો જેના ફોટા સોશિયલ મીડિયામાં વાઈરલ થઈ રહ્યાં છે. ઉર્મિલાને કોંગ્રેસે મુંબઈ ઉત્તરથી પાર્ટીના ઉમેદવાર બનાવ્યાં છે. તેમનો આ બેઠક માટે ભાજપના હાલના સાંસદ ગોપાલ શેટ્ટી સાથે મુકાબલો થશે.