શિક્ષણના મંદિરમાં એક શિક્ષિકાની શરમજનક કરતૂત, માસૂમ બાળકને બાળકો પાસે જ માર ખવડાવ્યો

Muzaffarnagar Viral Video: ઉત્તર પ્રદેશના મુઝફ્ફરનગરની એક પ્રાઈવેટ શાળાના શિક્ષકનો વીડિયો હાલ વાયરલ થઈ રહ્યો છે. જેમાં શિિક્ષકા ક્લાસમાં એક બાળકને ક્લાસના બીજા બાળકોથી માર ખવડાવી રહ્યા છે. દાવો થઈ રહ્યો છે કે જે બાળકને અન્ય બાળકો થપ્પડ મારી રહ્યા છે તે મુસ્લિમ છે. વીડિયો સામે આવ્યા બાદ કોંગ્રેસના નેતા રાહુલ ગાંધીએ પણ તેના પર પ્રતિક્રિયા આપી છે. કોંગ્રેસના નેતા રાહુલ ગાંધીએ આ વીડિયો સોશિયલ મીડિયામાં શેર કરતા લખ્યું કે માસૂમ બાળકોના મનમાં ભેદભાવનો ઝેર ઘોળવું, શાળા જેવા પવિત્ર સ્થળને નફરતનું બજાર બનાવવું- એક શિક્ષક દશ માટે આનાથી ખરાબ કશું કરી શકે નહીં. 

રાહુલ ગાંધીએ પોસ્ટમાં વધુમાં લખ્યું કે ભાજપનું ફેલાયેલું આ કેરોસિન છે જેણે ભારતના ખૂણે ખૂણામાં આગ લગાડી રાખી છે. બાળકો ભારતનું ભવિષ્ય છે- તેમને નફરત નહીં, આપણે બધાએ મળીને પ્રેમ શિખવાડવાનો છે.