મોતનો કોઈ ભરોસો નથી. ગમે ત્યારે આવી જાય. યુપીના લખીમપુરમાં ફિલ્મ જોવા ગયેલા એક યુવકનું થિયેટરમાં જ હાર્ટએટેકથી મોત નિપજ્યું. આ સમગ્ર ઘટના થિયેટરમાં લાગેલા સીસીટીવી કેમેરામાં કેદ પણ થઈ ગઈ. સીસીટીવી ફૂટેજમાં જોવા મળી રહ્યું છે કે સિનેમા હોલમાં ગદર-2 ફિલ્મ જોવા ગયેલો યુવક ફિલ્મની રાહ જોતો હોય છે અને અચાનક તેને છાતીમાં દુખાવો ઉપડે છે અને તે ખુરશીઓ પર પટકાય છે. 


આ ઘટના ત્યાં લાગેલા કેમેરામાં કેદ થઈ ગઈ. યુવક દ્વારકાપુરી મોહલ્લાનો રહીશ હતો અને 32 વર્ષના આ યુવકની ઓળખ અક્ષત તિવારી તરીકે થઈ છે. અક્ષત તિવારી મહેવાગંજમાં રજ મેડિકલ સ્ટોર નામની દવાની દુકાન ચલાવતો હતો. ઘટના ફન મોલની હોવાનું કહેવાય છે. 


Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube