ઉત્તરાખંડથી એક મોટા સમાચાર આવી રહ્યા છે. ચમોલી જિલ્લામાં લાગેલા સીવર પ્લાન્ટમાં બુધવારે કરન્ટ લાગવાથી 15 લોકોના મોત થયા છે. જેમાં એક પોલીસ સબ ઈન્સ્પેક્ટર અને 5 હોમગાર્ડ્સનો સમાવેશ થાય છે. કેટલાક લોકો ઘાયલ થયા હોવાની સૂચના છે. એવું કહેવાય છે કે મૃતકોની સંખ્યા હજુ વધી શકે છે. આ સીવર પ્લાન્ટ નમામી ગંગે પ્રોજેક્ટ હેઠળ ચાલી રહ્યો છે. 


ગંભીર રીતે ઘાયલ મજૂરોને હોસ્પિટલમાં ખસેડવામાં આવ્યા છે. એડિશનલ ડાયરેક્ટર જનરલ ઓફ પોલીસે 15 લોકોના મોતની પુષ્ટિ કરતા કહ્યું કે મૃતકોમાં પોલીસ સબ ઈન્સ્પેક્ટર અને પાંચ હોમગાર્ડ્સ પણ સામેલ છે. પોલીસ અને પ્રશાસનની ટીમ બચાવકાર્યમાં લાગી છે. ઉત્તરાખંડના સીએમ પુષ્કર સિંહ ધામીએ સમગ્ર મામલે ન્યાયિક તપાસના આદેશ આપ્યા છે. 


Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube