Uttarakhand ના વિકાસનગરમાં ગોઝારો અકસ્માત, એક જ ગામના 13 લોકોના મોત, અનેક ઘાયલ

વિકાસનગર/મયંક રાય: ઉત્તરાખંડના દહેરાદૂન જિલ્લાના વિકાસનગરમાં એક ભીષણ અકસ્માત થયો છે. જેમાં 13 લોકોએ જીવ ગુમાવ્યા તથા અનેક લોકો ઘાયલ થયા છે. આ અકસ્માત બુલ્હાડ બાયલા રોડ પર થયો. મળતી માહિતી મુજબ એક વાહન બેકાબૂ થઈને ખીણમાં ખાબક્યું. અકસ્માત બાદ ચકરાતા એસડીએમ, પોલીસ અને એસડીઆરએફની ટીમ ઘટનાસ્થળે પહોંચી. ખીણમાંથી લોકોને કાઢવા માટે રેસ્ક્યૂ ઓપરેશન ચલાવવામાં આવી રહ્યું છે. તમામ મૃતકો એક જ ગામના રહીશ હોવાનું કહેવાય છે. 

આ અકસ્માત ચકરાતા તહેસીલના બાયલા ગામ પાસે થયો. અકસ્માતમાં 13 લોકોના મોત થયા અને અનેક લોકો ઘાયલ થયા. ઘાયલોમાંથી ચારની હાલત ગંભીર છે. મળતી માહિતી મુજબ તમામ મૃતકો એક જ ગામના હોવાનું કહેવાય છે. એસડીએમ ચકરાતા પોલીસ અને એસડીઆરએફની ટીમ ઘટનાસ્થળે પહોંચી રહી છે. આસપાસના ગ્રામીણો દ્વારા રાહત અને બચાવ કાર્ય ચાલુ છે.