ઉત્તરકાશી ટનલ રેસ્ક્યૂ: ટનલમાં ફસાયેલા મજૂરોની ક્યારે થશે ગુડ મોર્નિંગ? હવે તો 170 કલાક વિતી ગયા

Uttarakhand Tunnel Collapse Latest News:  ઉત્તરકાશીની સિલ્ક્યારા ટનલમાં 41 મજૂરો ફસાયાને 8 દિવસ થઈ ગયા છે અને હજુ સુધી વહીવટીતંત્ર ખાલી હાથ છે. હવે ટનલની ઉપર અને બાજુઓથી ડ્રિલિંગની તૈયારીઓ ચાલી રહી છે. ઉત્તરકાશીમાં 41 લોકોના જીવ બચાવવા માટે મશીનોની સાથે પ્રાર્થનાનો પણ ઉપયોગ કરવામાં આવી રહ્યો છે.

એક તરફ ડ્રિલિંગ મશીન રોજ કામદારો માટે મહેનત કરતા જોવા મળે છે. બીજી તરફ, સુરંગની બહાર લોકો ભગવાનને પ્રાર્થના કરી રહ્યા છે અને કામદારો સુરક્ષિત રીતે બહાર આવે તે માટે પ્રાર્થના કરી રહ્યા છે. ઉત્તરકાશી ટનલ રેસ્ક્યુ ઓપરેશન સંબંધિત દરેક અપડેટ અહીં જાણો.

- બચાવ દરમિયાન ટનલમાં વાઇબ્રેશન અને કાટમાળ પડવાના ભયને કારણે ઓગર મશીનથી ડ્રિલિંગ બંધ કરી દેવામાં આવ્યું છે. હવે ટનલની ઉપર અને બાજુઓથી ડ્રિલિંગની તૈયારીઓ ચાલી રહી છે.

- મેજર નમન નરુલાએ કહ્યું કે અમને ટ્રેક બનાવવાનું કામ આપવામાં આવ્યું છે જેથી અમે વર્ટિકલ ડ્રિલિંગ કરી શકીએ. અમારે લગભગ 320 મીટરનો ટ્રેક બનાવવાનો છે. અમારો ટાર્ગેટ છે કે આપણે તેને આવતીકાલ સુધીમાં પુરો કરવાનો છે, અમે યુદ્ધના ધોરણે કામ કરી રહ્યા છીએ.

અધિકારીઓને આશા છે કે રવિવારે બપોર સુધીમાં સિલ્ક્યારા ટનલનો વૈકલ્પિક માર્ગ તૈયાર થઈ જશે. ઉત્તરાખંડ સરકારમાં ઓફિસર ઓન સ્પેશિયલ ડ્યુટી (OSD) ભાસ્કર ખુલ્બેએ જણાવ્યું હતું કે સંયુક્ત પ્રયાસોથી 4-5 દિવસમાં સારા પરિણામો આવશે. જો ભગવાનની ઈચ્છા હોય, તો તે પહેલાં પણ આ શક્ય બની શકે છે.

- ઉત્તરકાશી ટનલમાં ફસાયેલા 40 મજૂરોને બચાવવા માટે શનિવારે PMO, RVNL, ONGC, ટિહરી ડેમ, સર્વે, જિયો મેપિંગના અધિકારીઓ અને વિવિધ વિભાગોના અધિકારીઓ સાથે બેઠક યોજાઈ હતી. પ્લાન સી પર પણ વિચાર કરવામાં આવ્યો હતો. પ્લાન C હેઠળ, ટનલની ઉપર આવી ચાર જગ્યાઓ ઓળખવામાં આવી છે જ્યાંથી વર્ટિકલ ડ્રિલિંગ કરી શકાય છે.