હદ છે! પેટ્રોલ ખતમ થઈ ગયા પછી પણ ગ્રાહક ઉતર્યો નહીં, Rapido ચાલકે ખેંચવી પડી સ્કૂટી, જુઓ Video

નવી દિલ્હીઃ સોશિયલ મીડિયા પર આમ તો દરરોજ ઘણા વીડિયો વાયરલ થતાં હોય છે. પરંતુ ક્યારેક એવા વીડિયો વાયરલ થાય છે જેને જોયા બાદ લોકો વિચારવા માટે મજબૂર થઈ જાય છે અને તેના મનમાં સવાલ ઉઠે છે કે આ સમાજમાં આવા લોકો પણ છે શું? આવો એક વીડિયો તેલંગણાનો વાયરલ થઈ રહ્યો છે. આવો તમને આ વાયરલ વીડિયો વિશે જણાવીએ..

તેલંગણાનો વીડિયો થયો વાયરલ
માઇક્રો બ્લોગિંગ પ્લેટફોર્મ એક્સ પર વાયરલ થઈ રહેલા વાયરલ વીડિયોમાં તમે જોઈ શકો છો કે સ્કૂટી પર એક વ્યક્તિ પોતાની બેગ લઈને બીઠો છે. બીજો વ્યક્તિ તે સ્કૂટીને ખેંચી રહ્યો છે. આ દરમિયાન ત્યાંથી ઘણા લોકો પસાર થાય છે પરંતુ કોઈ તેની મદદ કરતું નથી. એટલું જ નહીં સ્કૂટી પર બેઠેલો વ્યક્તિ નીચે પણ ઉતરતો નથી. સોશિયલ મીડિયામાં આ વીડિયોને ખુબ શેર કરવામાં આવી રહ્યો છે. આ સાથે દાવો કરવામાં આવી રહ્યો છે કે સ્કૂટીમાં પેટ્રોલ પૂરુ થઈ ગયું છે અને રેપિડો ચાલક સ્કૂટી ખેંચીને ગ્રાહકને લઈ જઈ રહ્યો છે.

અહીં જુઓ વાયરલ વીડિયો

આ વીડિયોને સોશિયલ મીડિયાના અલગ-અલગ પ્લેટફોર્મ પર ખુબ શેર કરવામાં આવી રહ્યો છે. વીડિયો જોયા બાદ લોકો અલગ-અલગ પ્રકારની પ્રતિક્રિયા આપી રહ્યાં છે. એક યૂઝરે લખ્યું- આવું ત્યારે થાય છે જ્યારે તમારૂ હૃદય  મગજની જગ્યાએ અને મગજ હૃદયની જગ્યાએ હોય છે, હૃદયહીન લોકો. બીજા યૂઝરે લખ્યું- રેપિડો અને અન્ય બધી કંપનીઓએ આ વ્યક્તિ પર પ્રતિબંધ લગાવી દેવો જોઈએ, સાથે તે તપાસ કરવાની જરૂરીયાત છે કે શું આ વ્યક્તિને ચાલવામાં કોઈ સમસ્યા છે. તો એક યૂઝરે લખ્યું- આટલું જલ્દી નિર્ણય પર ન પહોંચવું જોઈએ, શું કોઈએ ગ્રાહક કે સવાર સાથે વાત કરી?