Video : ટ્રેનમાં ટોઇલેટના પાણીથી બને છે ચા !

નવી દિલ્હી : જો તમે ટ્રેનથી પ્રવાસ કરતા હો તો પ્રવાસ દરમિયાન ચાનો આનંદ ચોક્કસ માણ્યો હશે. ચા સારી હોય એ માટે તમે કદાચ એને યુનિફોર્મધારી વેન્ડ઼ર પાસેથી જ ખરીદવાનો આગ્રહ રાખતા હશો. જોકે હાલમાં એક એવો વીડિયો વાઇરલ બન્યો છે જેમાં વેન્ડરને ટ્રેનના ટોઇલેટમાંથી પાણી લઈને ચા બનાવતો દેખાડવામાં આવ્યો છે. આ વીડિયો સોશિયલ મીડિયામાં જબરદસ્ત ટ્રોલ થયો છે. 

આ મામલામાં રેલવેના મુખ્ય જનસંપર્ક અધિકારીએ માહિતી આપી છે કે તપાસ પછી સિકંદરાબાદ તેમજ કાજીપેટ વચ્ચેના અંતરમાં કામ કરતા ટ્રેન સાઇડ વેન્ડિંગ કોન્ટ્રાક્ટર પી. શિવપ્રસાદ વિરૂદ્ધ કડક કાર્યવાહી હાથ ધરવામાં આવી છે તેમજ 1 લાખ રૂ.નો દંડ ફટકારવામાં આવ્યો છે.