મીમ મુદ્દે વિવેકે કહ્યું જેમનો ઉલ્લેખ છે તેમને વાંધો નથી પણ લોકોને નેતાગીરી કરવી છે

નવી દિલ્હી : વિવેક ઓબરોય પોતાની ફિલ્મ મુદ્દે ચર્ચામાં છે પરંતુ બીજી તરફ તેણે ટ્વીટર પર એખ પોસ્ટ કરીને વિવાદ પેદા કરી દીધો છે. વિવેકે પોતાનાં ટ્વીટર પર એખ મીમ શેર કર્યું જેમાં એશ્વર્યા રાય બચ્ચન, સલમાન ખાન, વિવેક અને અભિષેક બચ્ચન સાથે જોવા મળે છે. આ પોસ્ટમાં એશ્વર્યાને ટાર્ગેટ કરીને પોલની મજાક ઉડાવવામાં આવી છે. આ પોસ્ટ બાદ વિવેક ઓબરોટ સોશિયલ મીડિયા પર ટ્રોલ કરવામાં આવી રહ્યો છે. બીજી તરફ વિવેક ઓભરોટે નિવેદન આપતા કહ્યું કે, ખબર નહી કેમ લોકો આ વાતને આટલું મહત્વ આપી રહ્યા છે જ્યારે આ પોસ્ટમાં જેમનો ઉલ્લેખ છે તેમને પણ કોઇ સમસ્યા નથી. 

મહારાષ્ટ્રા મહિલા પંચ તરફથી મળેલી નોટિસ અંગે વિવેક ઓબરોયે કહ્યું કે, હું તેમને મળવા માંગીશ. હું તેમની સામે પોતાની વાત કરવા માંગુ છું કારણ કે મને નથી લાગતું કે મે કાંઇ પણ ખોટુ કર્યું હોય. અત્રે ઉલ્લેખનીય છે કે, વિવેકનાં પોસ્ટ કર્યાના ગણત્રીનાં સમયમાં જ મહારાષ્ટ્ર મહિલા પંચે એક્ટરનાં નામની નોટિસ ઇશ્યું કરી દીધી હતી.