બિહાર ચૂંટણીઃ પ્રથમ તબક્કામાં સાંજે છ કલાક સુધી 53.54 ટકા મતદાન

પટનાઃ બિહારમાં આજે પ્રથમ તબક્કાની 71 સીટો પર મતદાન સંપન્ન થયું છે. સાંજે 6 કલાક સુધી આશરે  53.54% મતદાન થયું છે. ફાઇનલ આંકડા રાત સુધી આવશે. આ 71 સીટો પર 2015 વિધાનસભા ચૂંટણીમાં 54.94% મતદાન થયું હતું. લોકસભા ચૂંટણીમાં આ સીટો પર 53.54% ટકા મત પડ્યા હતા. 2010 વિધાનસભા ચૂંટણીમાં આ સીટો પર  50.67% ટકા મતદાન થયું હતું એટલે કે આ વખતે મતદાન 2015ના મુકાબલે આશરે 2 ટકા ઓછું અને 2010ના મુકાબલે ત્રણ ટકા વધુ છે. 

મતદાન દરમિયાન ભોજપુરમાં શાહપુર વિધાનસભા ક્ષેત્રના સહજૌલી ગામમાં બૂથ કેમ્પરિંગને લઈને બે ઉમેદવારોના સમર્થકો વચ્ચે સંઘર્ષ થયો હતો. જેમાં છ લોકોને ઈજા થઈ છે અને એકની સ્થિતિ ગંભીર છે. તો લખીસરાયના બાલગુદર અને ભોજપુરના તરારીમાં 3 હજારથી વધુ લોકોએ મતદાનનો બહિષ્કાર કર્યો હતો. અહીં મતદાતા પોતાના વિસ્તારમાં રોડ અને શાળા ન બનવાથી નારાજ હતા.