નવી દિલ્હી: નવા વર્ષની ઉજવણી (Happy New Year 2020) દુનિયાભરમાં થઈ રહી છે. અલગ અલગ દેશોમાં નવા વર્ષની ઉજવણી દરમિયાન સજાવટ, આતિશબાજીએ લોકોને તસવીરો લેવા માટે મજબુર કરી દીધા. જેવા ઘડીના કાંટા 12 પર પહોંચ્યા કે આકાશ ઝાકમઝોળ થઈ ગયું. ભારતના અલગ અલગ રાજ્યોમાંથી પણ ખુબસુરત તસવીરો સામે આવી. અલગ અલગ દેશોમાંથી આવેલા વીડિઓએ તો લોકોને મજા પાડી દીધી. 


COMMERCIAL BREAK
SCROLL TO CONTINUE READING

ભારતના અલગ અલગ ભાગોમાં નવા વર્ષની શાનદાર ઉજવણી થઈ. મુંબઈમાં ગેટવે ઓફ ઈન્ડિયા, છત્રપતિ શિવાજી મહારાજ ટર્મિનસ રેલવે સ્ટેશન, ઓડિશામાં જગન્નાથપુરીનું મંદિર, હિમાચલ મોલ રોડ સહિત સમગ્ર ભારત રોશનીથી ઝળહળી ઉઠ્યું. લોકોએ નાચીને, ગાઈને નવા વર્ષની શરૂઆત કરી. 


ભારતમાં ગેટવે ઈન્ડિયા પર નવા વર્ષની ઉજવણી



ફ્રાન્સમાં ઉજવણી
ફ્રાન્સમાં નવા વર્ષના અવસરે પેરિસ સ્થિત આર્ક ડી ટ્રાયંફમાં જોરદાર આતિશબાજી થઈ. આકાશ ઝળહળી ઉઠ્યું. લોકો પોતાનો મોબાઈલ કાઢીને વીડિયો બનાવવામાં લાગી ગયા હતાં. 



ગ્રીસમાં જશ્ન
ગ્રીસમાં આવેલા એક્રોપોલિસ ઓફ એથેન્સમાં પણ જોરદાર આતિશબાજીનો નજારો જોવા મળ્યો. 12 વાગતા જ આકાશ અલગ અલગ રંગોથી ભરાઈ ગયું હતું. 



તુર્કીમાં આકાશમાં રંગબિરંગી રોશની
તુર્કીમાં નવા વર્ષની ઉજવણી ભવ્ય રીતે કરાઈ. સમુદ્ર વચ્ચે આકાશ તરફ જતી રંગબિરંગી રોશનીને જોઈને લોકો રોમાંચિત થઈ ગયાં. ઈસ્તંબુલના બોસ્ફોરસ સ્ટ્રેટમાં થયેલી આ આતિશબાજીને પણ લોકોએ પોતાના કેમેરામાં કેદ કરી. 



દુબઈનું બુર્જ ખલીફા સજાવાયું
સંયુક્ત આરબ અમીરાતમાં નવા વર્ષની ઉજવણી ભવ્ય રીતે કરાઈ. નવા વર્ષના જશ્ન માટે દુબઈના બુર્જ ખલીફાને ખાસ રીતે સજાવવામાં આવ્યું. 12 વાગતા જ બુર્જ ખલીફા રોશનીની ચાદરથી લપેટાઈ ગયું. 



થાઈલેન્ડમાં ધમાકેદાર સ્વાગત
થાઈલેન્ડમાં પણ નવા વર્ષની ઉજવણી ધમાકેદાર રીતે કરવામાં આવી. તારીખ બદલાઈ, વર્ષ  બદલાયું અને આકાશમાં લીલા-નીલા-પીળા રંગોની રોશની છવાઈ ગઈ. ચાઓ ફ્રાયા નદી પર થયેલી આતિશબાજીએ લોકોનું ધ્યાન પોતાના તરફ આકર્ષિત કર્યું. 



હોંગકોંગમાં પણ થયું નવા વર્ષનું ભવ્ય સ્વાગત
હોંગકોંગમાં નવા વર્ષની સાથે જ વિક્ટોરિયા હાર્બરમાં જોરદાર આતિશબાજી થઈ. અહીં આકાશમાં ક્યારેક લાલ રોશની તો  ક્યારેક પીળી, નીલી રોશનીએ સુંદરતામાં ચાર ચાંદ લગાવી દીધા હતાં.