ફેબ્રુઆરી પુરો થતાં થતાં તો વાતાવરણમાં થશે મોટી ઊથલપાથલ! જાણો ભયાનક આગાહી

Weather Latest Updates: છેલ્લાં કેટલાંક દિવસોથી વાતાવરણમાં સતત થઈ રહ્યો છે બદલાવ. બદલાઈ રહી છે હવામાનની પેટર્ન. આ સંકેતો છે કંઈક નવાજૂનીના એંધાણ. શિયાળો પુરો થતો નથી, ઉનાળો આવતો નથી અને આ સ્થિતિની વચ્ચે દસ્તક દઈ રહ્યું છે ચોમાસું! આને કઈ સિઝન કહેવી એ હવામાન શાસ્ત્રીઓ માટે પણ એક કોયડું છે. ઠંડી પડી રહી છે અને આ દરમિયાન વરસાદ મુશ્કેલીમાં વધારો કરી રહ્યો છે. વરસાદના કારણે લોકોને મુશ્કેલીનો સામનો કરવો પડી રહ્યો છે. ખાસ કરીને ઉત્તર ભારતમાં હવામાનની પેટર્ન બદલાઈ ગઈ છે. 

એક તરફ લોકો ગરમ કપડાં હવે કપાટમાં મુકીને પેકિંગ કરી રહ્યાં છે અને ઉનાળાની તૈયારીઓ કરી રહ્યાં છે. એવામાં શિયાળા અને ઉનાળાની સંતાકુકડી વચ્ચે ચોમાસું વચ્ચે વચ્ચે રમત રમી રહ્યું છે. હાલ દેશભરમાં કંઈક આજ પ્રકારનું વાતાવરણ ઉભું થયું છે. આ વાતાવરણ અને હવામાનની બદલાયેલી પેટર્ન એવા સંકેતો આપે છેકે,  આજે ફરી હવામાનમાં પલટો આવવાની આગાહી કરવામાં આવી છે. તેની અસર ઘણા રાજ્યોમાં જોવા મળી શકે છે. છેલ્લા કેટલાક દિવસોથી દિલ્હીનું આકાશ સ્વચ્છ છે. પરંતુ અરુણાચલ પ્રદેશ, સિક્કિમ અને મણિપુરમાં હળવોથી મધ્યમ વરસાદ થયો હતો. તે જ સમયે, કોસ્ટલ ઓડિશા અને ઉત્તર-પૂર્વ ભારતમાં હળવો વરસાદ થયો હતો. અરુણાચલ પ્રદેશ, લદ્દાખ, જમ્મુ અને કાશ્મીર, મુઝફ્ફરાબાદ, ગિલગિટ બાલ્ટિસ્તાન અને હિમાચલ પ્રદેશમાં છૂટાછવાયા સ્થળોએ હળવો હિમવર્ષા થઈ. આજના હવામાન વિશે જાણો વિગતવાર...

ગગડી રહ્યો છે તાપમાનનો પારોઃ
ફેબ્રુઆરી મહિનામાં હિમવર્ષાના કારણે જમ્મુ-કાશ્મીરથી હિમાચલ પ્રદેશ સુધીના હિલ સ્ટેશનો ધમધમી રહ્યા છે. હિમવર્ષાના કારણે ઉધમપુરના પર્યટન સ્થળ પટનીટોપમાં પ્રવાસીઓ આવવા લાગ્યા છે. બીજી તરફ પ્રવાસીઓ પણ ગુલગારમમાં બરફવર્ષાની મજા માણી રહ્યા છે. હવામાન વિભાગે 26 ફેબ્રુઆરીથી જમ્મુ-કાશ્મીરમાં ભારે વરસાદ અને હિમવર્ષાની આગાહી કરી છે. હિમાચલ પ્રદેશમાં પણ હિમવર્ષાના કારણે વિસ્તારોમાં સફેદ ચાદર જોવા મળી રહી છે. હિમવર્ષાનો આનંદ માણવા મોટી સંખ્યામાં પ્રવાસીઓ મનાલી પહોંચ્યા છે. ઉત્તરાખંડના ચમોલીમાં પણ આવું જ દ્રશ્ય છે. ચારે બાજુ માત્ર બરફ જ દેખાય છે. પહાડોમાં હિમવર્ષાના કારણે તાપમાનનો પારો પણ ગગડી રહ્યો છે.

આજે હવામાન કેવું રહેશે?
હવામાન વિભાગની આગાહી મુજબ સિક્કિમ અને અરુણાચલ પ્રદેશમાં આગામી 24 કલાકમાં હળવોથી મધ્યમ વરસાદ અને હિમવર્ષા થઈ શકે છે. તે જ સમયે, જમ્મુ-કાશ્મીર, ગિલગિટ બાલ્ટિસ્તાન, લદ્દાખ, મુઝફ્ફરાબાદ અને હિમાચલ પ્રદેશમાં છૂટાછવાયા સ્થળોએ હળવા વરસાદની સંભાવના છે. તે જ સમયે, પૂર્વ આસામ, બિહાર, પશ્ચિમ બંગાળ, ઝારખંડ, તટીય આંધ્રપ્રદેશ, ઓડિશા અને દક્ષિણ છત્તીસગઢમાં હળવો વરસાદ પડી શકે છે.

ક્યાં બરફ પડશે?
હવામાન વિભાગની આગાહી મુજબ 24 કલાક પછી, મરાઠવાડા, વિદર્ભ અને તેલંગાણાના કેટલાક વિસ્તારોમાં વરસાદની ગતિવિધિઓ પણ શરૂ થઈ શકે છે. તે જ સમયે, ઉત્તર ભારતના પહાડોમાં હવામાને ફરી એકવાર પલટો લીધો છે. જમ્મુ-કાશ્મીરથી હિમાચલ પ્રદેશ સુધી હિમવર્ષા થઈ રહી છે. હવામાન વિભાગે એલર્ટ રહેવા જણાવ્યું છે.