West Bengal: બંગાળમાં ભાજપના બે ધારાસભ્યોએ આપ્યા રાજીનામા, આપ્યું આ કારણ

કોલકત્તાઃ પશ્ચિમ બંગાળમાં વિધાનસભા ચૂંટણી જીત્યા બાદ ભાજપના બે સાંસદોએ ધારાસભ્યો પદેથી રાજીનામુ આપી દીધુ છે. બન્ને સાંસદ જગન્નાથ સરકાર (Jagannath Sarkar) અને નિશીથ પ્રામાણિક  (Nishith Pramanik) બુધવારે વિધાનસભા ભવન પહોંચ્યા અને સ્પીકરને પોતાનું રાજીનામુ સોંપી દીધુ છે. 

બંગાળ વિધાનસભામાં ધારાસભ્ય પદેથી રાજીનામુ આપ્યા બાદ સાંસદ નિશીથ પ્રામાણિક (Nishith Pramanik) એ કહ્યુ કે, તેમણે માત્ર પાર્ટી નેતૃત્વના આદેશોનું પાલન કર્યુ છે. પાર્ટીએ તે નિર્ણય લીધો કે અમે ધારાસભ્ય પદેથી રાજીનામુ આપી દઈએ તો આજે સ્પીકરને રાજીનામાનો પત્ર સોંપી દીધો છે.