West Bengal, Assam Election 2021 Updates: બંગાળના મતદાતામાં જબરદસ્ત ઉત્સાહ, 3 કલાક સુધી 70 ટકાથી વધુ મતદાન

પુરલિયા: First Phase West Bengal Assam Vidhan Sabha Elections 2021 Updates: પશ્વિમ બંગાળ અને અસમ વિધાનસભા ચૂંટણીના પહેલાં તબક્કાનું મતદાન આજે થઇ રહ્યું છે. બંગાળના 5 જિલ્લામાં 30 વિધાનસભા સીટો માટે મતદાન કરવામાં આવી રહ્યું છે, જ્યારે અસમની 47 સીટો માટે મતદાન થઇ રહ્યું છે. ચૂંટણી કમિશને આ વખતે મતદાનનો સમય વધાર્યો છે. 

બંગાળમાં પહેલાં તબક્કાના મતદાન પહેલાં શુક્રવારે (26 માર્ચ)ના રોજ પુરલિયા જિલ્લામાં હિંસા જોવા મળી હતી. પુરલિયાના બંડોયાનમાં ગરૂ પ્રાથમિક સ્વાસ્થ્ય કેંદ્ર અને સાગા સુપુરૂદી ગામ વચ્ચે ચૂંટણી પંચના વાહનોને આગ લગાવી દીધી છે. કહેવામાં આવી રહ્યું છે કે ગાડી ચૂંટણી અધિકારીઓને મતદાન કેંદ્ર પર છોડવા ગઇ હતી. ન્યૂઝ એજન્સી એએનઆઇના અનુસાર ગઇકાલે રાત્રે (શુક્રવારે) પુરલિયામાં મતદાનકર્મીઓને ભોજન બાદ પરત ફરતી વખતે રહસ્યમય પરિસ્થિતિમાં એક વાહનને આગ લગાવી દીધી હતી. પોલીસ કેસની તપાસ કરી રહી છે. ડ્રાઇવરને પૂછપરછ માટે લઇ જવામાં આવ્યો છે.   

નંદીગ્રામથી ભાજપના ઉમેદવાર શુભેંદુ અધિકારી EC લખ્યો પત્ર
નંદીગ્રામથી ભાજપના ઉમેદવાર શુભેંદુ અધિકારીએ ચૂંટણી પંચને પત્ર લખીને હલ્દિયાના એડિશનલ એસપી પાર્થ ઘોષ, હલ્દિયા એસડીઓ બારૂ બારૂનબૈધ અને નંદીગ્રામના કેટલાક પોલીસ અધિકારીઓ પર ટીએમસી કાર્યકર્તાઓની મદદ કરવાનો આરોપ લગાવ્યો છે. અધિકારીઓએ પંચ પાસે તેને સસ્પેંડ કરવાની માંગ કરી છે. 

ટીએમસીએ ભાજપ પ લગાવ્યો વોટિંગ પ્રભાવિત કરવાનો આરોપ
ટીએમએસીએ ઝારગ્રામ અને પશ્વિમ મેદિનીપુર જિલ્લામાં વોટિંગ પ્રભાવિત કરવાનો આરોપ લગાવ્યો છે. ટીએમસીએ ઝારગ્રામના બૂથ નંબર 218 પર ભાજપ કાર્યકર્તાઓ તરથી ઇવીએમ ખરાબ કરી સમસ્યા ઉત્પન્ન કરવાનો અને પશ્વિમી મેદિનીપુરના ગારબેટા વિધાનસભા ક્ષેત્રના બૂથ નંબર 167 પર મતદારોને અંદર ન જવા દેવાનો આરોપ લગાવ્યો છે. ટીએમસીનો આરોપ છે કે ચૂંટણી અધિકારી પણ તેમને સપોર્ટ કરી રહ્યા છે. 

પશ્વિમ મિદનાપુર: ભાજપના ઉમેદવારે કર્યું મતદાન
પશ્વિમ મિદનાપુરથી ભાજપના ઉમેદવાર સમિત દાસે પોલિંગ બૂથ પર પહોંચીને પોતાના મતાધિકારનો ઉપયોગ કર્યો. 

મમતા બેનર્જીએ કરી અપીલ- લોકતાંત્રિક અધિકારનો કરો ઉપયોગ
બંગાળની મુખ્યમંત્રી મમતા બેનર્જીએ ટ્વીટ કરી લોકોને અપીલ કરી છે કે ઘરથી બહાર નિકળે પોતાના લાંકતાંત્રિક અધિકારનો ઉપયોગ કરે. ભારે સંખ્યામાં મતદાન કરે. 

અત્રે ઉલ્લેખનીય છે કે પશ્ચિમ બંગાળમાં આજે પ્રથમ તબક્કાનું મતદાન યોજાઈ રહ્યું છે. પ્રથમ તબક્કામાં 30 વિધાનસભા બેઠકો પર મતદારો મતાધિકારનો ઉપયોગ કરી રહ્યા છે. 5 જિલ્લાઓની 30 વિધાનસભા બેઠકો પર થનારા મતદાન પર સૌની નજર છે. પુરૂલિયા, બાંકુરા, ઝારગ્રામ, પૂર્વી મેદનીપૂર અને પશ્ચિમી મેદનીપુરમાં મોટી સંખ્યામાં મતદારો ઉમટી પડ્યા છે. 30 વિધાનસભા બેઠકો માટે 191 ઉમેદવારો મેદાને છે. પ્રથમ તબક્કાના મતદાનમાં 7 મતદાન મથકોને સંવેદનશીલ જાહેર કરવામાં આવ્યા છે. બાંકુરાની 4, પૂર્વી મેદનીપુરની 7, પશ્ચિમી મેદનીપુરની 6, ઝારગ્રામની 4 અને પુરૂલિયાની 9 બેઠકો પર મતદાન છે. પશ્ચિમ બંગાળ (West Bengal Assembly election 2021) ના મુખ્યમંત્રી મમતા બેનર્જીની પાર્ટી TMCની પરીક્ષા થશે. 30 બેઠકો પર મતદાન થવાનું છે, તે બેઠકો પર વર્ષ 2016માં TMCએ શાનદાર પ્રદર્શન કર્યુ હતું.

તો બીજી તરફ, આસામ વિધાનસભાની ચૂંટણી માટે આજે પ્રથમ તબક્કાનું મતદાન ચાલી રહ્યું છે. પ્રથમ તબક્કામાં 47 બેઠક પર મતદાન કરવા માટે મતદારો આવી રહ્યા છે. જેમાં મતાધિકારનો ઉપયોગ કરી મતદારો 264 ઉમેદવારોના ભાવિ EVMમાં કેદ કરશે. પ્રથમ તબક્કાના મતદાનમાં 78 અપક્ષ ઉમેદવાર છે, 23 મહિલાઓ પણ પ્રથમ તબક્કાના મતદાનમાં ચૂંટણી મેદાનમાં છે. આસામના મુખ્યમંત્રી સર્બાનંદ સોનોવાલ, વિધાનસભાના અધ્યક્ષ હિતેન્દ્રનાથ ગોસ્વામી, કોંગ્રેસ પ્રદેશ અધ્યક્ષ રિપુન વોરા સહિતના મંત્રીઓ ચૂંટણી મેદાને છે. પ્રથમ તબક્કાના મતદાનમાં મતદાન માટે એક કલાકનો સમય વધારવામાં આવ્યો છે. 47 બેઠકો માટે 39 બેઠક પર ભાજપ અને 10 તેમની સહયોગી પાર્ટી AGP ચૂંટણી મેદાનમાં છે. આસામ વિધાનસભામાં 126 બેઠકો છે જેનું ત્રણ તબક્કામાં મતદાન થશે.બીજા તબક્કાનું 1 એપ્રિલે તો અંતિમ તબક્કાનું મતદાન 6 એપ્રિલે થશે. 2મેએ આસામ વિધાનસભાનું પરિણામ જાહેર થશે.