જ્યારે ઇસરોના વૈજ્ઞાનિકે વગાડી વાંસળી, જુઓ મંત્રમુગ્ધ કરી દેતો આ VIDEO

નવી દિલ્હીઃ ભારતીય સંસદની સ્થાયી સમિતિની વર્ષ 2019ની છેલ્લી બેઠક અલગ અંદાજમાં પૂરી થઈ હતી. હકીકતમાં, સોમવાર (30 ડિસેમ્બર)ના આ બેઠક ભારતીય અવકાશ સંશોધન સંસ્થા (ISRO)માં સંપન્ન થઈ હતી. આ બેઠકના અંતમાં બેંગલુરૂમાં સેટેલાઇટ સેન્ટરના ડાયરેક્ટર પી કુન્હીકૃષ્ણને વાંસળી વગાડી હતી. 

તમે તે જાણીને ચોંકી જશો કે એક વૈજ્ઞાનિક વાંસળી વાદક પણ હોઈ શકે છે. સામાન્ય રીતે વૈજ્ઞાનિકનું નામ આવતા એક એવા વ્યક્તિની છબી મગજમાં બને છે જે હંમેશા પુસ્તકોથી ઘેરાયેલા રહેતા હોય. જો વાત ઇસરોના વૈજ્ઞાનિકની હોય તો તેમની છબી તો સેટેલાઇટ અને ગેલેક્સી પર સંશોધન કરનાર વ્યક્તિની બને.