વર્ચ્યુઅલ મીટિંગમાં જ્યારે પીએમ મોદીની સામે આવ્યા પંજાબના CM ચન્ની, જાણો તેમણે શું કહ્યું

નવી દિલ્હી: પંજાબના મુખ્યમંત્રી ચરણજીત સિંહ ચન્નીએ ગુરુવારે 5 જાન્યુઆરીએ પ્રધાનમંત્રી નરેન્દ્ર મોદીની રાજ્યની મુલાકાત દરમિયાન સુરક્ષામાં ખામીઓ બદલ ખેદ વ્યક્ત કર્યો હતો. વર્તમાન કોવિડ સ્થિતિ અને ચાલી રહેલા રસીકરણ અભિયાનની સમીક્ષા કરવા માટે રાજ્યો અને કેન્દ્રશાસિત પ્રદેશોના મુખ્યમંત્રીઓ અને ઉપ રાજ્યપાલો/પ્રશાસકો સાથે પ્રધાનમંત્રી મોદીની અધ્યક્ષતામાં વર્ચ્યુઅલ મીટિંગમાં ભાગ લેતી વખતે ચન્નીએ ખેદ વ્યક્ત કર્યો હતો.

'આપ સલામત રહો કયામત તક ઔર ખુદા કરે કયામત ના હો'
ચન્નીએ કહ્યું, 'તમે પંજાબ ગયા હતા. જે થયું તેના માટે હું દિલગીર છું. સૂત્રોએ જણાવ્યું હતું કે ચન્નીએ પ્રધાનમંત્રીના લાંબા આયુષ્યની પણ શુભેચ્છા પાઠવી હતી. સૂત્રોના જણાવ્યા અનુસાર ચન્નીએ કહ્યું, 'આપ સલામત રહો કયામત તક ઔર ખુદા કરે કયામત ના હો.'

સુરક્ષામાં ખામીના કારણે રદ કરવામાં આવી હતી પીએમની રેલી
5 જાન્યુઆરીના રોજ ફિરોઝપુરમાં પ્રધાનમંત્રીની રેલી સુરક્ષાની ખામીને કારણે રદ કરવી પડી હતી, કારણ કે કેટલાક વિરોધીઓએ એક રસ્તો બ્લોક કર્યો હતો અને તેમના કાફલાને ફ્લાયઓવર પર લગભગ 20 મિનિટ પસાર કરવી પડી હતી. ઘટના સમયે પ્રધાનમંત્રી હુસૈનીવાલામાં રાષ્ટ્રીય શહીદ સ્મારક જઈ રહ્યા હતા.

'સુરક્ષામાં કોઈ ખામી નહોતી'
ચન્નીએ અગાઉ કહ્યું હતું કે પ્રધાનમંત્રીની રાજ્ય મુલાકાત દરમિયાન સુરક્ષામાં કોઈ ખામી રહી નથી. ચન્નીએ કહ્યું હતું કે, કોઈપણ પ્રકારની સુરક્ષામાં કોઈ ખામી નથી અને કોઈપણ પ્રકારના હુમલાની સ્થિતિ નથી.

(ઇનપુટ- IANS હિન્દી)