કોણ છે ઉદ્ધવ ઠાકરેની ખુરશી હચમચાવી નાંખનાર એકનાથ શિંદે? આ છે બળવાનાં મુખ્યત્વે કારણો

મુંબઈઃ મહારાષ્ટ્રની વિકાસ આઘાડી સરકાર પર સંકટના વાદળો હાલ ચારેબાજુ જબરદસ્ત રીતે ઘેરાઈ રહ્યા છે. જેનું કારણ શિવસેનાના વરિષ્ઠ નેતા એકનાથ શિંદે છે, જે પાર્ટીથી નારાજ છે અને હાલ તેઓએ મહારાષ્ટ્રની બહાર ગુજરાતમાં ધામા નાંખ્યા છે, જેણા કારણે મહારાષ્ટ્ર સરકારની ઉંઘ ઉડી ગઈ છે. મહારાષ્ટ્રમાં છેલ્લા અઢી વર્ષથી વિકાસ આઘાડીની સરકાર શિવસેનાના નેતૃત્વમાં ચાલી રહી હતી, પરંતુ હવે ઉદ્ધવ ઠાકરેના નજીકના નેતાએ પાર્ટીને અધવચ્ચે છોડી દીધી છે.

હાલમાં એક જગ્યાએ શિંદે એક સાથે અનેક ધારાસભ્યોને લઈને ગુજરાતના સુરતમાં કેમ્પ કરી રહ્યા છે, તો બીજી તરફ સીએમ ઉદ્ધવ ઠાકરેએ ઉતાવળમાં ધારાસભ્યોની ઈમરજન્સી મીટીંગ બોલાવી, તો સાથી NCP પ્રમુખ શરદ પવારે પણ પોતાના તમામ ધારાસભ્યોને બોલાવ્યા છે. હવે મહારાષ્ટ્રમાં શિવસેના અને એનસીપી પોતાના ધારાસભ્યોને બોલાવે તો કોંગ્રેસ શા માટે પાછળ રહે, જેણા કારણે મહારાષ્ટ્ર સરકારની ત્રીજી સહયોગી પાર્ટી કોંગ્રેસે પણ પોતાના ધારાસભ્યોને બેઠક માટે દિલ્હી બોલાવ્યા છે. બીજી તરફ મહારાષ્ટ્ર ભાજપના વરિષ્ઠ નેતાઓની બેઠક ચાલી રહી છે. ચાલો જાણીએ કોણ છે એકનાથ શિંદે, જેના કારણે મહારાષ્ટ્ર સરકાર મોટી મુશ્કેલીમાં મુકાઈ ગઈ છે.

કોણ છે એકનાથ શિંદે
એકનાથ શિંદે ઠાકરે પરિવારની બહાર સૌથી શક્તિશાળી શિવસૈનિક છે. તેમની તાકાતનો અંદાજ એ વાત પરથી લગાવી શકાય છે કે જો ઉદ્ધવ ઠાકરે મહારાષ્ટ્રના મુખ્યમંત્રી બનવા માટે સંમત ન થયા હોત તો આજે એકનાથ શિંદે મુખ્યમંત્રીની ખુરશી પર હોત. એકનાથ શિંદે હાલમાં 59 વર્ષના છે અને મહારાષ્ટ્ર સરકાર દ્વારા શહેરી વિકાસ મંત્રી છે. વર્ષ 1980માં તેઓ શિવસેનામાં શાખા પ્રમુખ તરીકે જોડાયા હતા. શિંદે થાણેની કોપરી-પંચપખાડી બેઠક પરથી 4 વખત ધારાસભ્ય તરીકે ચૂંટાયા છે. પક્ષને ખાતર તેઓ જેલમાં પણ ગયા છે. તેમની છબી હંમેશા વફાદાર અને કટ્ટર શિવસૈનિકની રહી છે.

થાણેમાં એકનાથ શિંદેનો મોટો પ્રભાવ છે. થાણેમાં તેમની ખ્યાતિનો અંદાજ એ વાત પરથી લગાવી શકાય છે કે લોકસભા ચૂંટણી હોય કે નગરપાલિકાની ચૂંટણી, તેમના ઉમેદવાર હંમેશા ચૂંટણી જીત્યા છે. એકનાથના પુત્ર શ્રીકાંત શિંદે પણ શિવસેનાની ટિકિટ પર કલ્યાણ બેઠક પરથી સાંસદ છે.

એકનાથ શિંદે ઉદ્ધવ ઠાકરે વિરુદ્ધ શા માટે કર્યો બળવો
વિધાન પરિષદની ચૂંટણીને લઈને શિંદે અને સીએમ ઉદ્ધવ ઠાકરે વચ્ચે કથિત રીતે અણબનાવ થયો હતો. જોકે શિવસેનાના સ્થાપના દિવસે બંને વચ્ચે સારો તાલમેલ જોવા મળ્યો હતો. માહિતી અનુસાર, જ્યારે કાઉન્સિલની ચૂંટણી દરમિયાન અણબનાવ થયો હતો, ત્યારથી એકનાથ શિંદેનો નંબર બંધ આવી રહ્યો છે અને તેઓ પહોંચી શક્યા નથી. નિષ્ણાતોનું માનવું છે કે એકનાથ શિંદેએ આ માટે સારું કામ કર્યું હોવા છતાં તેમને ક્રેડિટ આપવામાં આવી રહી નથી.

એટલું જ નહી, માનવામાં આવે છે કે એકનાથ શિંદે ગઠબંધનની ત્રણેય પાર્ટી શિવસેના, કોંગ્રેસ અને એનીસીપીથી નારાજ છે. જ્યારે દેવેન્દ્ર ફડણવીસ મુખ્યમંત્રી હતા ત્યારે પણ એકનાથ શિંદેની શિવસેનાના અગ્રણીઓ સાથેની માથાકૂટ સામે આવી હતી. ત્યારે એવું પણ કહેવાતું હતું કે એકનાથ શિંદે તેમના તમામ સમર્થકો સાથે બીજેપીમાં જોડાઈ શકે છે.

જાણકારોના મતે એકનાથ શિંદેને છેલ્લા કેટલાક સમયથી પાર્ટીમાં શંકાની નજરે જોવામાં આવી રહ્યા છે. તેનું કારણ એ પણ છે કે શિંદેના ભાજપના નેતાઓ સાથે સારા સંબંધો છે. બીજેપીના ઘણા નેતાઓ દ્વારા એવી અફવાહ પણ ઉભી કરવામાં આવી હતી કે શિંદે ટૂંક સમયમાં ભાજપમાં જોડાશે. સાથે જ શિંદે પણ મુખ્યપ્રધાન ન બનવાનો મોટો પડકાર છે. નિષ્ણાતોનું માનવું છે કે એકનાથ શિંદેનું નામ મુખ્યમંત્રી પદ માટે હતું, પરંતુ જ્યારે ઉદ્ધવ ઠાકરેને સીએમ બનાવવામાં આવ્યા ત્યારે તેમનું નામ પાછળ રહી ગયું હતું. તે તેમના માટે નિરાશાજનક બાબત હતી.

આ સિવાય હાલમાં એકનાથ શિંદેની વકીલાત કરી રહેલા ધારાસભ્યની ફરિયાદ છે કે તેમને કામ કરવા માટે ફંડ આપવામાં આવતું નથી અને તેઓ તેમનું કામ કરાવી શકતા નથી. આ જ કારણ છે કે આ નારાજ ધારાસભ્યો શિંદેને સમર્થન આપી રહ્યા છે.