2046માં તબાહ થશે દુનિયા? પૃથ્વી સાથે ટકરાશે આ વિશાળ એસ્ટરોઈડ, નાસાએ આપી ખતરાની ચેતવણી!

ઝી બ્યુરો/નવી દિલ્હી: નાસાએ ચેતવણી આપી છે કે 2046માં વેલેન્ટાઈન ડે પર એક એસ્ટરોઈડ પૃથ્વી સાથે ટકરાઈ શકે છે. નાસા આ એસ્ટરોઇડ પર સંપૂર્ણ નજર રાખી રહ્યું છે. વૈજ્ઞાનિકોએ માત્ર બે અઠવાડિયા પહેલાં જ શોધી કાઢ્યું હતું કે આ એસ્ટરોઇડ મોટા જોખમનું કારણ બની શકે છે, જો કે તેની સંભાવના ઓછી છે. પરંતુ વૈજ્ઞાનિકોએ હજુ પણ તેને યાદીમાં ટોચ પર રાખ્યું છે. આ એસ્ટરોઇડ 2023DW તરીકે ઓળખાય છે. નાસાના જણાવ્યા અનુસાર, તે 26 ફેબ્રુઆરીના રોજ પ્રથમ વખત શોધાયો હતો.

CBS ન્યૂઝ અનુસાર, નાસાએ આ એસ્ટરોઇડને જોખમની યાદીમાં મૂક્યું છે. પૃથ્વીને અસર કરતા એસ્ટરોઇડનું નામ આ યાદીમાં છે અને હાલમાં માત્ર 2023DW જ નંબર 1 રેન્કિંગ પર છે. વૈજ્ઞાનિકોએ જણાવ્યું કે હાલમાં તેનાથી કોઈ ખતરો નથી. જોખમની સૂચિ અનુસાર, 2047થી 2051 સુધી - વેલેન્ટાઇન ડે પર એસ્ટરોઇડની અસર થવાની સંભાવના છે.

નાસાએ Tweet કર્યું, 'અમે 2023 DW નામના નવા એસ્ટરોઇડને ટ્રેક કરી રહ્યા છીએ, જેની 2046માં પૃથ્વી સાથે અથડાવાની બહુ ઓછી શક્યતા છે. ઘણી વખત જ્યારે નવી વસ્તુઓ પહેલીવાર શોધવામાં આવે છે, ત્યારે અનિશ્ચિતતાઓને સંકુચિત કરવામાં અને ભવિષ્યમાં તેમની ભ્રમણકક્ષાની પર્યાપ્ત આગાહી કરવામાં કેટલાંક અઠવાડિયાનો ડેટા લાગે છે. નાસાની પ્લેનેટરી ડિફેન્સ કોઓર્ડિનેશન ઓફિસ કહે છે કે હજુ પણ આશંકા બહુ ઓછી છે.